是咁的，我嘅職業係幫人瞓覺: 二百一十三、阿金
「我無辦法去證明佢地講嘅野啱唔啱，因為我根本唔知其他世界同時空發生過咩事。」
每個時空都包括人界、靈界，雖然叫「平行世界」，但時空其實唔完全係一條條平行線，反而係弧線。雖然大部分時間都唔會接觸，但有時會出現相交點。
本來我地存在嘅世界係無超能力，但另一個相鄰嘅世界有。
一個叫阿金嘅人擁有同動物溝通嘅超能力，雖然佢一路以為自己嘅能力得一種，但實際上佢唔止淨係能夠同動物傳心。
動物傳心、靈魂附身、穿越時空、能力共享、干涉過去⋯⋯依啲能力佢全部都擁有，但完全無自覺。
由佢干涉過去開始，就將我地存在嘅世界拉咗過去，兩個時空嘅弧線開始打結。佢仲以為係世界分裂成兩個，但實際上係兩個世界拍埋咗。
喺傳心師阿金嘅世界，佢最後將能力共享發揮到極限，將超能力同嗰個世界嘅所有人同動物分享，重置咗過去，阻止一場悲劇嘅發生。
但佢嘅能力共享對象只限於「嗰個世界」，唔會兼顧到平行時空，所以我地就被衝擊嘅餘波影響，擁有超能力。
淨係超能力梗係好啦，最大問題係能力會失控，同埋生腦癌吖嘛。