是咁的，我嘅職業係幫人瞓覺: 二百一十四、幫人嘅理由

「當然，我無辦法確認係真定假，但既然聽咗，咪講返一次你知囉。」

「既然連超能力都有，咁應該無野係唔可能架喇。」真係被另一個阿金累死。

依家叫我再幫人瞓覺真係無可能架喇，可惡，早知係咁之前每單都收多啲錢啦。

「好啦，我地行喇！」miki收埋啲野，突然跳起身，拉住我走出starbucks。

「吓？無啦啦行？去邊先得架？」





「我幫你卜咗時間驗腦呀！」

「咪住呀，我無話去喎！」我用力穩住腳步，miki就用力拉我，兩個人好似玩緊拔河咁。

「行啦行啦，你遲早都要驗架啦。」

「無錢呀大佬！同埋劇情發展會唔會太快呀？」

「錢咪我畀住先囉！啱架喇，早啲檢查早啲知咩事吖嘛。」





錢佢畀？咁又唔驅喎，反正我的確遲早要驗下個腦睇下有無事架啦。

「錢都幫我畀？我唔明喎，咁對你有咩好處？」

miki呆一呆：「乜係要有好處先幫人架咩？」