「利益先係推動人心嘅動力吖嘛,即係我幫人瞓覺就係為錢囉。但你幫我,我真係諗唔到你有咩好處。」

「唔使諗喎,根本係無。」miki微笑。

老實講,就算知道我有超能力可能會導致生腦癌,但miki作為外人完全可以置身事外,今日亦無必要浪費時間同我講咁多野。

可能係明知我繼續落去會害死自己,所以作為知情嘅人唔想睇住我無命?為求心安理得?求安心都係利益嚟,只係精神層面上嘅利益咁解。

「我只係諗到就做啫,無話特別諗過咩好處喎。咁你早啲驗腦唔係好啲咩?」





「係,對我係好啲呀,但關你咩事先?」

miki用食指頂住下巴,苦惱咁諗咗一陣。

「係囉,關我咩事呢可?」

之後又繼續拉我行。

「依啲遲啲先諗啦,我地去驗腦先。」





真係被佢吹漲。
已有 0 人追稿