是咁的，我嘅職業係幫人瞓覺: 二百二十、差太遠

骨頭碎裂嘅聲音，血液飛濺，眼前一黑。每當miki合埋眼，就會條件反射咁重播當日墮落嘅片段。

因為受到金仔嘅保護，佢墮地嘅時候遲咗半秒先失去意識。

就係依半秒，佢眼白白睇住自己嘅男朋友因為撞擊而扭曲變形。

好似被書頁壓扁嘅百合花瓣咁。

我一時語塞，無諗過miki原來受過咁嘅打擊。





你可唔可以⋯⋯幫miki瞓覺？

嘉儀都知道miki嘅夢魘，正正因為知道朋友嘅痛苦，先會想委託我幫手。

但對我嚟講，幫佢嘅代價太大，進入迷宮可能會醒唔返，而再用超能力可能會加速我腦腫瘤嘅形成。

人不為己，天誅地滅。我就係個咁自私嘅人，亦從來無見過咩人喺我面前墮地爆頭，只要幫人嘅代價大過我嘅利益就唔會幫。

魏金玄就係一個咁嘅人。





我同嗰個金仔，差太遠喇⋯⋯