「但原來真係好難架喎,我會每日都諗佢仲喺我身邊的話會點呢?你話我嘅行為病態,我知架喎。」

miki拎出手機,㩒咗幾下之後遞畀我睇。

「其實你講得啱,我都係因為有利益好處先幫你,我都係自私。幫你只係我嘅少少慰藉。我係想透過幫一個叫金仔嘅人,某程度上彌補當日我咩都做唔到,睇住佢死嘅罪惡感同無力感。」

因為上一個金仔為佢而死,佢咩都做唔到。

所以當知道「金仔」,即係我有機會生腦癌死嘅時候,miki無辦法袖手旁觀。





哪怕明知我唔係曲金鉉。

害死咗男朋友之後,依個可以被miki幫助嘅角色,本來應該由曲金鉉嘅家屬擔當。

「你個仔因我而死,所以有咩做到同幫到手嘅我都會做,雖然補償唔到,但我都會盡力幫手」

依個miki就係咁嘅心態。

可惜佢父母同家姐都唔喺度,所以miki先會將目標轉移,令佢變到啱啱識一個叫「金仔」嘅人,就已經願意不顧一切提供協助。





我咩都唔知⋯⋯仲向佢講咗咁過份嘅說話⋯⋯
已有 0 人追稿