[劇毒]自從裝左小熊來電之後……我部電話就無響過……: 3

[1/3/2015 03:53]


「啊仔，你早啲訓啦。」原來係我啊媽打開左道門叫我早啲訓。

我即時喘左聲大氣，轉身同我啊媽講：「嘩，你頭先嚇到我個心飛出嚟啊！」
點知我講都未講完，啊媽就頭也不回咁走番左出我間房。


啊，點解連啊媽今日都古怪成咁……






雖然比啊媽咁樣嚇一嚇，但感覺上佢係見到我既，咁姐係話我無消失啦？
我決定先拋開今日啲人對我既態度，解決左部手機既問題先。
打親比個個都唔聽，就連平時中學同學whatsapp group都再收唔到message。
點解個威力加強版強到咁嫁[sosad] 。

一個個謎思令我成個人完全Load唔到機。
我唯有喺床上盤腿而坐，望住部電話發呆。
我仲有咩可以做啊？訓覺？




嗯！係，訓覺啦！
正當我準備行去關燈同房門果陣，我突然有另一個想法！


係Bo！仲有屋企電話，試埋佢啦！


我拿拿聲走出廳到拎起個電話篤左幾篤，好快就接通左。
「嘟嘟嘟~嘟嘟嘟~」
Happy啊！你一定要聽啊！你唔好有事啊！





「嘟嘟嘟~嘟嘟嘟~喂？」電話另一頭傳出Happy既聲，我個心即刻定左好多。


睇嚟都係我電話壞左多姐，死人三叔機，早知唔幫襯你！


「喂，傻妹？你做咩番到屋企唔打比我啊，嚇死我啊……」正當我講到開始眼紅果陣，Happy打斷左我。

「喂？喂？邊位？」

「下？喂！我啊，啊麟啊，你男朋友啊！」

「喂？」





「你聽唔……」我野都未講完就一聲「嘟~~~~~」既長響……

點解會咁嫁？
無理由Happy聽唔到我講野嫁？
定一話連屋企電話都壞埋啊？
無可能既，明明新買番嚟無耐，點會壞啊！
我琴日先用過嚟打比Happy。
我決定再打多次比Happy！

「嘟嘟嘟~喂？」可能Happy比我之前嘈醒左，今次佢好快就拎起電話聽。

「喂？Happy？」我感覺到眼眶開始注滿淚水，而聲線都慢慢變得沙啞。

「喂？喂？先生唔好再玩我電話啦！嘟~」Happy好嬲咁cut左我線。





衣一刻，我真係淚線大爆發……
點解個天要咁玩我啊？
明明岩岩我先同Happy見完面，點知衣加就連我把聲都聽唔到啊。
究竟發生咩事啊！


「啊！」我大大聲咁喺屋入面大叫左出嚟。
我已經頂唔順短短幾個鐘入面所發生既事。
唔通我真係毒到無人見到我，無人理我？
岩岩新b仔啲啊姐既反應，仲有啊媽既冷淡。
就連唯一既女朋友都聽唔到我講野。
我真係比個世界遺棄左咩？
我做錯左咩野啊！
點解個個都唔理我？
究竟世界上仲有咩人會理我？






我將今日所體會到既忽視，恐懼，仲有無力感，連同淚水一盡傾瀉，直到我意識到一個問題：點解我咁大聲叫，啊媽啊爸都未醒既？


我即刻衝左入啊媽啊爸房到見到佢地訓得好安詳，甚至安詳到好似死左咁。
我開始懷疑，我一步一步行上前，我內心好希望佢地唔係死左。
直到我掂到佢地果一下，係仲有體溫，則係無事啦。
但係佢地好似聽唔到我講野咁？
我大大力咁去前後搖佢地，但係佢地就一啲反應都無。


點會咁？就算我變左鬼都好，咁搖法咩人都醒啦啦！






我決定走番入房苦思下，一切既來龍去脈。
我打開部電話，我見到一個Apps：小熊來電通知(威力加強版)
「無錯！係你啦！」我撳入個Apps到，佢彈左大大既三個英文字; DTA