[1/3/2015 15:07]

我望望隻錶下晝三點零七分,旺角既街頭愈嚟愈多人,好多人喺商務前出出入入。
由唔知幾時開始,香港既街頭再唔係單屬於香港人,特別係旺角。
有好多強國自由行拖住一個個行李喼同佢地既同胞喺到橫行霸道,佢地令到條街逼左好多,都意味住我地既危險又再進一步提升……
條街愈熱鬧,我地就更危險。
望住街外面,我內心有種好矛盾既感覺,面對人群理論上我覺得好安全因為有好多人做我既保護,但係你永遠唔會知道幾時會有人喺你背後桶你一刀。
就好似你面前有個大草叢咁,你只係知道入面有地雷,但係你永遠唔知地雷既位置,更加唔知道有幾多地雷埋左喺地下,最重要係你唔可以唔行,因為背後有幾條蛇衝緊去你到,而你只有幾分鐘去做心理準備……

MK仔一副大無懼既精神向我地揮揮手話:「喂,行啦,企喺到做咩?」





望住佢個樣,都唔知佢係勇敢,定一話係弱智,完全諗唔到衣加果種危險性。
佢就成個黑社會大佬咁坦蕩蕩踏出間商務,帶頭行喺我地面前,而援交妹同佢一樣,無諗咁多就緊隨其後。
港女OL見有兩個人都行左出去,又唔想行最後,所以都唔執輸吸左啖氣就向前行。
唔洗問果個咸咸濕濕既龍友當然係跟住港女OL行啦。
剩低六條友傻更更咁企喺門口,望住打頭陣果四個人,愈行愈遠……

大隻佬衣個時侯拍拍我膊頭話:「喂,你同運動裝個姐姐扶住Major Tom行先,我同四眼哥哥行最後啦。」

我忽然之間帶點錯愕,不過大隻佬咁既安排都算有道理既。




雖然Major Tom個人成支竹咁,但係都無理由叫啊樺同運動姐姐兩個女仔扶住Major Tom行架。
我點點頭就同運動姐姐扶起Major Tom。
啊樺吸左啖氣就比我地行先一步。

「行啦。」我比一比signal Major Tom同運動姐姐就有樣學樣咁跟啊樺吸左啖氣向前行。

而大隻佬同四眼哥哥見我地出發就跟住我地一齊行,喺背後backup我地。


「啊!」「啊!」「啊!」世估唔到比起西裝佬,啲強國自由行威力仲大。




我都唔知比佢地個喼撞左幾多下,仲有隻腳指都應該至小比佢地車過左都不小於五下。

我實左頂唔順啲強國人於是我就提議:「不如我地出馬路行啦。」

點知Major Tom好大反應咁講左句:「唔好!好易比人發現。」

我嚇到望一望佢,佢即刻對我微笑一下強裝震定,不過我體會到佢果種驚惶既情緒,始終佢係第一個受害者。
透過佢手臂,我隱約間感覺到佢成個人其實都係震緊。

雖然我同佢都好驚,成日都四圍望,但係我都扮震定咁拍一拍佢膊頭話:「應該好快無野既,行啦。」


如是者,MK仔帶住我地喺人海中穿插,由沿住豉油街穿過行人專用區,女人街,花園街,經過新寶戲院走左去間酒店前面話:「就衣到啦!」

MK仔叉住腰喺我地面前指住仕德福酒店話:「入去住啦!」





望住間酒店,我地無一感到錯愕,四眼警察問:「點解要係酒店?」

MK仔笑笑口話:「無啊,咁我喺到做架嘛,所以要搵間房安置我地唔難既!」

啊樺點點頭話:「都岩既,入去啦!」

正當MK仔打算行入去果陣,佢無啦啦掉轉頭話:「唔得……佢地喺到,走啊!」