[劇毒]自從裝左小熊來電之後……我部電話就無響過……: 12

[1/3/2015 17:43] 

本來新寶入面都已經夠暗，仲要停埋電，加上外面都開始入黑，我地只能勉強見到大家既身影。
不論頭頂上既燈光，背後既廣告板，定一話係售票處上面果啲Screen，通通都熄晒，所光源都消失得無影無跡……
我行出戲院門外，原來唔止新寶，係成條街都停晒電，招牌又好，街燈都好，就連車頭燈都無埋。
所有車都停左喺馬路，但更奇怪既係戲院入面，以致街上面既所有人都消失晒咁……
我再望望後面，數一數：「一，二，三……」

「喳！」一聲，眼前就有道白光令我暫時咩都見唔到，直到我打開對眼既時候，電力回歸，而人都無消失過，一切如常……





援交妹嚇到大叫左聲：「咩事啊？」

MK仔擰擰頭答佢：「我都唔知啊。」

面對住一時之間既改變，我諗無人個腦唔係一片空白，我最直接既反應係：一場夢？
我唔知，但係我覺得，唔可以再停留喺到，我有種好不祥既預感。
我提出左個問題：「我地下一個地方，係邊？」

運動姐姐提出多次佢既意見：「都係果間Starbucks？」





啊樺講左句：「No！我地需要相機！仲有買衫，之後先再去Starbucks！」

港女OL一聽到話要買衫，即刻舉晒手話：「嘩！啊妹妹，你第一次提出咁好既建議，岩去買衫！」

當然我好老實咁問左句「下？點解啊？」搞到個港女OL即時怒啤住我。
我望一望港女OL就明白到咩事，本來喺地鐵站見面既時侯，佢都仲係一身整齊既OL裝加對黑絲波鞋。
但係衣加，佢件褸已經唔知飛左去邊，條灰色裙就變到開晒叉，仲要爛到show半條大腿出嚟，條黑絲都唔知穿左幾多窿，係唯獨個淡妝溶都無溶。
見到佢咁既身世，唔講仲以為佢比人姦完嚟。

啊樺解釋：「一來有人著得好唔方便跑，你睇下啊四眼哥哥同ol姐姐。二來，我地要變一變裝，等果班西裝佬忍唔到我地。」





MK仔奸笑左下話：「咁去前面波鞋街啦，應該都有好多運動鋪。反正，嘿，都唔洗錢既。」

援交妹一聽到唔洗錢，對眼就發晒光咁點點晒頭話：「出發啦！」

大隻佬一對手，各自拍實佢兩個膊頭，唔比佢地走，話：「等陣，都未傾好，走咩啊。」

MK仔一手Fing開左大隻佬啤左佢啤話：「得啦！」

「大家兩個一pair行啦，三十分鐘後旺角電腦中心等，o唔ok？」啊樺望一望龍友。

龍友點頭話：「無所謂啦，反正果到最近又有相機買。」

啊樺好似leader咁宣佈：「咁大家小啦。散。」





一聽到個「散」字，MK仔同援交妹就好似跑馬咁衝左出去。

而港女OL拍一拍四眼警察膊頭發晒姣咁話：「警察哥哥……你會保護我架可？」
四眼警察當然無佢扶，就比港女OL夾硬拉走左。

龍友即刻拎起部相機走左出去，跟住佢地尾，露出個好假既笑容話：「我諗你地都需要我部相機架？」
港女OL無視佢，而四眼警察都只係笑左笑，就同佢地一齊走。

大隻佬拍拍我膊頭話：「個妹妹就交比你啦，我要同啊運動裝果位姐姐照顧果個麻雀湯。」
聽到大隻佬將Major Tom讀成麻雀湯，我都忍唔住笑左出口。
我比左個ok手勢，就同啊樺講：「佢地兩個要睇住Major Tom，我地行先啦。」
啊樺擺左個wfc既手勢就同我走出戲院……