[劇毒]自從裝左小熊來電之後……我部電話就無響過……: 29

[2/3/2015 15:03] 

啊樺一睇完個sms就搵左紙巾同原子筆抄低，而我同大隻佬就拿拿聲用錫紙包番部電話。
啊樺抄完就快快手收番好部電話，心急既大隻佬一早拎住部相機對住周圍影，隨時戒備。
等佢搞掂好所有野之後，我地就排成三角形咁既陣式向前前進。
大隻佬負責行頭，拎住個單反提防住前面既人，而我同啊樺就分別監視左右兩邊。

我地經山東街行入去女人街，依個時侯啊樺話：「入巷仔。果到少人好多，方便睇水。」

如是者，我地就跟啊樺既意見行左入女人街則邊既巷仔。




而本來三角形既陣式都因為條路太窄而改行前線。
大隻佬就依舊行前。
啊樺變左行中間，負責睇番女人街果邊會唔會有西裝佬穿過啲鋪頭衝入嚟。
而我就企最後，睇下會唔會有西裝佬由後方衝上嚟。
每當行到一個十字路口，大隻佬都會舉起個拳頭叫我地停，佢就掃掃周圍環境先再比指示叫我地行。
搞到我地成隊飛虎隊咁，用相機當做槍，一路向前行。

不過女人街兩邊條巷仔實在太窄，行過既都知，就算果到少人，但係間唔中會比人撞到。
更何況依加變左透明，個個就好似衝鋒車咁撞去我地到。
特別係打頭陣既大隻佬，真係好慘。





經過一輪碰撞，我地終於行到女人街街尾。
啊樺停左喺馬路邊話：「行紅綠燈啦。」
我同大隻佬相視而笑。
無錯，我地唔係真係透明，比車撞都會死。
依加啲司機仲要見唔到我地，實唔會收油，亂過馬路太危險。
我地三個透明人就乘乘地咁等紅綠燈過馬路。

最後，我地終於入到去家樂坊既Starbucks。
我地揀左個近窗邊既位，set左個腳架，影住街外面既情況。




啊樺喺佢件外套袋到拎番張寫左野既紙巾出嚟：「GPVS EBZT UP GSFF」

我：「有咩頭緒？」

大隻佬：「um……唔知啊，我英文好水皮架喳。」

啊樺：「但係我睇啲字本質似係英文。」

我：「係既，我諗唔會咁低能將啲英文字母，跟番順序前後一齊郁幾格就得啊？」

啊樺聽到我一講，就拎起支筆寫，點知一寫就已經解碼：「FOUR DAYS TO FREE」

我望住望個密碼，我真係驚訝到O左嘴：「點會咁簡單啊……」

啊樺同我一樣都O左，更加唔相信自己做既野：「如果咁簡單，點解仲要SET密碼？」





大隻佬問：「下？則係咩意思？」

我：「佢係話仲有四日我地就自由。」

啊樺：「點解要SET個咁既密碼……」

大隻佬：「我唔知啊，但係如果佢講既野係真，則係我地只要捱多四日就得。」

我望住啊樺：「咁計法，如果啊樺之前講既野係岩，則係最多得番三個人會死？」

啊樺擰擰頭：「我唔知啊……但係點解要特登將句野加個咁簡單既密碼？」

我：「會唔會係我地解錯？」





大隻佬反駁：「咁比我地睇搞到咁複雜做咩。」

啊樺：「唉，我都唔知。但係就內容去睇，個SMS既發送人似係幫我地。」

大隻佬補充：「則係小熊來電既製造者係幫我地？」

我：「下？咁唔合理？明明係佢令我地搞成咁。」

啊樺：「除非……我地會變成咁唔係因為小熊來電？」

我：「點解個發展愈嚟愈似紅VAN故既？」

大隻佬望住我：「你指陳果拍果套紅VAN？」

我點點頭：「算係啦，講班人搭搭下紅VAN，無啦啦成個世界既人消失左，原來係因為佢地做緊實驗。」





啊樺：「你既意思係指我地本身就處於個實驗到？而小熊來電既製造者係想幫我地？」

我：「我覺得係，可能佢地想做個關於病毒既實驗掛？」

啊樺：「咁點解佢地一日只殺一個人？」

我：「咁我又唔知……」

大隻佬：「唔好諗住，不如飲杯咖啡休息下，聽日我地仲要同其他人會合。」

啊樺：「Fuck！」

我望一望啊樺問：「下？Fuck咩？」