[劇毒]自從裝左小熊來電之後……我部電話就無響過……: 35

[2/3/2015 23:14] 

聽到四眼警察所講既單字，我地三個第一個最直接既反應就係佢就係我地所搵既內鬼。
就我地之前所得到既密碼pattern，都係三位組成既密碼。
但係佢得一個大階E，明顯地佢講緊大話，都意味住佢有野想隱瞞，或者佢根本就唔知個密碼。
而依兩個結果都標示住佢就係內鬼！

我望住啊樺，但係佢無出聲，始終依個結果都唔係太令人信服，特別係大隻佬。
佢個樣比較受到打擊。





四眼警察當然唔係傻，佢望到我地咁樣話：「你地做咩？」

啊樺：「其實……我想食野，我地由下晝開始就無咩野落過肚，只係飲過咖啡。」

四眼警察點點頭：「好啦，咁我去拎啲野比你地食。你地等我。」

等到四眼警察離座之後，大隻佬：「我覺得……STEPHEN唔會係內鬼。」

我：「但係佢個密碼……完全暴露出佢係內鬼既事。」





啊樺：「就咁睇的而且確係，但係若然如此佢之前所講既野都可以係假，包括個SMS既發送者既真實身份。但係我可以肯定一樣野，佢地之間一定無研究過小熊來電既密碼。」

我問：「下？點解？」

啊樺：「先假設佢係內鬼，則係佢講比我地聽既資訊有機會係假，咁佢地其實係有研究過個密碼，所以佢理論上就算唔知個密碼，都可以作到個岩既Pattern令我地唔去懷疑佢。咁假如佢唔係內鬼，佢講既野係岩，都表示佢地真係無研究過個密碼。」

大隻佬：「而且更重要係佢既反應，佢答得好順暢，若然佢真係唔知有密碼既話，實會有懷疑。」

聽落佢又講得有道理，如果係咁則係表示個密碼可以得一個英文字？





四眼警察好快就拎住幾舊包番嚟，交比我地，仲幫我地鬆左縛。
一向食量大既大隻佬接過個袋，就搵晒啲牛角包同腿蛋治出嚟食食食。
而我自己就求奇揀左個腸仔包算。
啊樺就拎住個冬甩細細啖啖咁食。

望住我地既食相，四眼警察話：「不如你地出嚟啦，我覺得真係無內鬼。」

啊樺拎住個冬甩話：「如果有呢？」

四眼警察：「就算真係有，你地一齊困喺入面都無用。我就算講幾多資料比你地知，你地都未必搵到。」

啊樺舉起隻食指左右搖擺：「NO，NO，NO。說話唔係咁講，就算我地搵唔到個內鬼，我地被困仲有第二個功用。」

啊樺咁樣講，令我同大隻佬頭頂都出現左問號，我：「唔通我地被困於此唔係就係純粹為左等內鬼放低戒心咩？」





啊樺再左右郁佢隻食指：「個本意唔係咁，而係保護大家唔洗死住。喺運動裝班人眼中，我地三個就係西裝佬，如果我地是但一個死就表示，我地唔會係西裝佬。所以個內鬼一定唔會搵我地落手，反而係佢最後落手既人。但係佢都唔可以咁快殺運動裝班人住，因為佢一殺，就表示除左我地三個，仲有第四個西裝佬混入左佢地。」

四眼警察「哦」一聲，不禁敬佩啊樺既推斷力：「不過，當我一番去，佢地都已經開始左放你地既討論。」

啊樺笑一笑：「睇嚟佢真係好急殺人。」「By the way,我想問啊S……S咩鬼野，部電話呢？」

大隻佬：「佢咁急，睇嚟仲有四日就可以自由既訊息係真架啦！」

四眼警察聽到大隻佬咁講未免帶點灰話：「我已經講左係真架啦……」

啊樺尷尬咁笑左笑：「um……anyway我仲想問，啊S……S咩鬼野，部電話呢？」

四眼警察：「係Stephy啊，我印象中無人拎過佢電話，就咁跟身，所以應該係佢條屍到。」

啊樺：「咁依加部電話呢？屍雖然消失，但係電話應該唔會消失既。」





四眼警察：「我岩岩行過，的確無見過佢電話喺地。」

啊樺：「頂！睇嚟個內鬼比我地先一步拎左個電話！」

我：「咁即係意味住……個內鬼知道左個密碼既Pattern……」

啊樺：「我地所剩時間無幾，我地一放出去，就係佢再殺人既時機……」