[劇毒]自從裝左小熊來電之後……我部電話就無響過……: 41

[3/3/2015 10:23]

望住閘外面人來人往，究竟有幾多個係西裝佬呢？
我真係望唔透，我只係知我就死。
但係就連電話我都無埋，究竟我仲可以搵咩去做。
我喺鋪頭入面行來行去，當然大隻佬同啊樺就仲係各自摺左喺一邊唔知做咩。
至於港女OL開始識驚，收埋左佢個粉盒，望下我地三個，再望下出面。

本來仲四圍望發緊呆既啊樺忽然之間變得雙眼有神，望住港女OL問：「你部電話呢？」





港女OL：「無啊，已經比啊白收左。」

啊樺：「UM……咁多合理，但係個密碼呢？小熊來電本身個密碼呢？你收到咩密碼？」

港女OL問：「下？咩事啊你？咩密碼啊？」

啊樺成個人好激動咁捉實港女OL：「等等先，你有無撳過個Apps？有無？」

港女OL：「喂！喂！喂！等等，等等。我講，我講，咪receive囉。」





我帶住懷疑既眼神望向港女OL：「下receive？」

港女OL：「係啊，rcv咪receive既縮寫囉。」

我再問：「則係你既密碼係rcv？」

港女點點頭話：「係啊。」

啊樺再問：「你有無問過啊白？」





港女點點頭話：「咁我有啊。佢收到既係ORN，不過我唔知佢咩意思啊。」

啊樺一聽到港女咁講，對眼就閃得更加光，佢大叫左聲「YEAH！」
搞到灰緊既大隻佬，都好好奇咁望住啊樺。

啊樺：「我解到個密碼啦！」

聽到佢咁講，不論我，大隻佬定一話係港女OL都好好奇。

啊樺：「我地到今日知既九個密碼係"ORN", "DTA",  "1SO" ,"NUY" ,"E""ND6""msg""rcv""TTN"，雖然差一個，但係我已經知個解法！只要我地將佢地先排番做 "DTA""ORN","NUY""1SO" "TTN""E""ND6""rcv""msg"，之後將"ND6"轉番做速成碼，則係個"除"字，"1SO"個1變做標點符號英文既單引號" ' "成句野就會係：don't trust anyone除receive message。我地差左果個密碼就係people，則係ppl。」

大隻佬問：「我啲英文差，依句既意思係指？」

港女OL「摺」左聲：「咪則係叫我地唔好信任何人，除左所有收到message既人。」





我：「但係我記得警察講過琴日你地個個都收到小熊來電既SMS……等等！係Major Tom！」

大隻佬問：「下？點解係佢？無可能！」

啊樺：「無錯，因為佢根本就無手機，所以警察先會當左佢都有收到SMS！一直以嚟就係Major Tom搞風搞雨。今次我好清楚！」

我：「Fuck！點解依加先會知到個真相……」

啊樺：「一直都係佢，最初最初，就係佢將我地所有人都叫晒出嚟，目的就係要將我地成班人都集合一齊。」

大隻佬：「咁……但係佢一開始就比班西裝佬追殺又點解釋？」

啊樺：「一切都只係場戲，佢想嚇我地，等我驚西裝佬，唔可以走散。佢為左迫我地走埋一齊，甚至將西裝佬可以偽裝既秘密都講埋出嚟等我地再驚啲！Fuck！」

我：「但係……佢點解要咁做……？」





啊樺奸笑左下話：「等我地去問佢啦！」