[劇毒]自從裝左小熊來電之後……我部電話就無響過……: 51

[4/3/2015 06:44] 

當一切回復正常既時侯，我地已經到左愉景新城，但係依加先七點到，個商場根本未開。
我地又無理由繼續喺外面比雨淋，於是我問問運動姐姐：「去邊好啊？」

運動姐姐擰擰頭：「其實我淨係識愉景新城，我好少去依邊。而且我地無相機，暫時都未確認到依邊係咪比較安全。」

我：「你都講得岩，但係一路上我地都再見唔到西裝佬，應該表示依到係安全啊？」

運動姐姐：「唔可以再咁魯莽，我地都係小心啲好。始終我地到依加先得番三個人……」





我點點頭都無咩好講，於是乎我廢盡心思，鐘於知邊到可以去：「去M記，沙咀道果邊有間24小時既M記。而且附近有間豐澤，等佢開鋪就可以……嗯，你明架啦。」
講到依到我都講唔出我地既行為，最直接就叫偷，好聽就叫借。
運動姐姐苦笑左下，點點頭表示明白。
至於港女OL就一如以往唔多出聲表達意見。

於是係我帶頭之下，我地三個就濕晒咁帶埋架單車入去沙咀道既M記。
雖然係M記，但係唔大間，所以無咩流浪漢喺到過夜。
最多都係得兩三個啊公啊婆晨運完入嚟食早餐。
我地除左件雨褸，坐左喺間M記入面休息。





當我一坐低，對腳既乳酸就湧上嚟，搞到好攰，個種感覺就好酸軟咁。

運動姐姐問港女OL：「係呢，個SMS既內容係咩？」

港女OL：「摺，你等等啦，我仲好攰啊。」

我同運動姐姐都無佢法，唯有等佢休息夠先。
不過港女OL頂唔順我同運動姐姐既眼神，好快就「摺」左聲拎番張紙出嚟。
上面寫住：




USVUI DPNF BU UIF MBTU EBZ

我一望到個密碼，就嘗試用番啊樺用過既解法去解，點知一解就解得通。
句野就係： Truth come at last day

運動姐姐望一望安心咁講左句：「呼，則係表示聽日就會知到真相！」

「嗯，無錯。如果個真相係差既話，我諗我地都仲有彎轉。」依個時侯，我望左眼港女OL。

港女OL好自然咁拎番果四支藍色液體出嚟：「好彩我醒，偷左Major Tom果啲毒藥。」

運動姐姐：「不過，我覺得個SMS有啲奇怪既感覺……」

我：「ER……感覺上都係，但係又講唔出有咩奇怪……」





港女OL：「摺，奇咩怪啊。我話佢低能就真啦，一樣既解碼方法用咁多次。」

運動姐姐：「係啦！就係一樣既解碼方法用咁多次，你諗下我地發生左咁多事。點解佢仲要用番同樣既解碼方法？」

我：「咦！係啦，點解佢會用番一樣既解碼法？我記得個SMS係琴日下午三點幾SEND既，果陣Major Tom內鬼既身份都已經暴露左出嚟，而且佢仲要拎埋我地既電話。小熊來電無理由會用番一樣既手法去send 個sms。」

運動姐姐：「如果係咁，則係表示小熊來電根本就唔知我地發生緊咩事？」

我：「仲有個機會，之前啊樺講過個sms其實唔係外來send既，而係由小熊來電自己send出嚟。」

運動姐姐：「照咁睇，啊樺講既可能性大好多，始終我地部電話包住左錫紙，根本就唔應該收到sms。」

我：「前題係包錫紙既方法係有用，你諗下starbucks果陣，班西裝佬既出現太奇怪。我覺得個方法失效。」

運動姐姐：「但係Major Tom又唔係西裝佬既同黨，西裝佬點會發現我地喺果到？」





聽到依個問題我地又開始進入左死胡同，我不禁望一望出面，我發現雨雖然停左，但係換來既係好大霧……