[劇毒]自從裝左小熊來電之後……我部電話就無響過……: 50

[4/3/2015 04:07]

大隻佬喺彌敦道同亞皆老街果個交界位炒低左，比四個西裝佬圍住斬殺。

「啊~」佢一聲仰天長嘯，之後既事我都唔敢回頭再望。

我忍著淚水，跟運動姐姐同港女OL喺條彌敦道上面奔馳，一直向住太子既方向踩。
我地經過新之城喺始創中心果到轉左入荔枝角道。

運動姐姐踩到始創中心既時候無選擇向前行，而係改喺依個位轉入荔枝角道。





運動姐姐眼中帶點淚水同我地講：「唔可以再比之前既事發生啦……」

的而且確如果我地再向前踩既話一定會經過太子站，到時大隻佬既慘劇未免會重現。
我地踩左入荔枝角道無耐，個天就好似知道我地所想咁，開始落起大雨。
運動姐姐帶我地搵左個瓦遮頭將架車泊左一邊。
佢喺我背囊到搵左三件七仔果啲雨褸交左比我地。
我同港女OL接過件褸，依個時侯我醒起一樣野。

我：「你估小熊來電有無SEND過SMS比我地？」





運動姐姐：「但係……我地邊到睇？」

我：「不如就依到，成條荔枝角道又無咩人，睇落有西裝佬既機會好小，而且我地有單車，應該走得切既。」

港女OL：「摺，拎晒出嚟好麻煩姐。」

運動姐姐：「唔洗，拎住兩部先，如果SMS內容係一樣都無必要睇第三部。」

我點點頭，就喺我個袋到抽左兩部電話出嚟，一打開睇分別係港女OL同援交妹既電話。





運動姐姐望住我講：「Karen你負責mark低個sms寫咩，我數三聲之後就開。」

一向都麻鬼煩既港女OL今次都算認清大局無多講說話，只係「摺」左聲，就乖乖地喺運動姐姐個袋到搵左支筆同紙。

運動姐姐開始數：「一」

我望望四周圍，確認多次無人。

運動姐姐再數：「二」

我隻手已經放左喺張錫紙到。

「三！」一聽到佢話三，我就快快手拆開錫紙，撳入訊息到睇。





果然係同一個number既sms。

上面寫住：「USVUI DPNF BU UIF MBTU EBZ」

我再望望運動姐姐個部電話，大家互相點點頭，確認係一樣既內容。
而港女OL就快快手抄好個SMS，我地就即刻包番部電話。
執好啲電話，我就拿拿臨上車，繼續踩。

好彩既係無西裝佬走過嚟，我地都輕輕鬆鬆向荃灣出發。
我地一路踩一路踩，最後踩左去青出公路。
雨就依然落不停，雖然個天黑黑，但係都似就天光。
依個時侯，係「大停電」。
馬路上面既車轉眼間就消失，就連佢點消失你都見唔到，總之就係一貶眼就消失。
街燈瞬間熄滅，就只有雨同虛無。
我地三個都踩到停左腳。






睇嚟大隻佬……真係死左……


運動姐姐應該都意會到咩事，佢「唉」左聲，就懶理一切，繼續帶我地向前踩。
當電力回復正常既時侯，我地已經到左愉景新城……