[劇毒]自從裝左小熊來電之後……我部電話就無響過……: 54

[4/3/2015 15:34]

我地三個一直等，點知過左中午時份，外面既霧氣依然未散，街上面既能見度依然係好差。
馬路上面莫講話車，連途人既數目都少左好多，同時m記入面都係得小貓三四隻。

運動姐姐開始膽心：「啲霧依然唔散，我地都好難走嫁。」

我：「um……我都唔知，無理由到依加啲霧都唔散。」

背囊入面既手機同時響起「噹~~」一聲，我知道係小熊來電既sms。




我拿拿聲由背囊入面抽晒所有用錫紙包實既手機。
運動姐姐撳住我隻手話：「如果……西裝佬唔係幫我地，咁點算？」

我望一望運動姐姐，的確佢講得岩，唔可以再咁魯莽行事，要小心。
但係我相信小熊來電send過嚟既sms好重要，每一次佢都比左好重要既提示。

我：「再喺到咩都唔做都係等死，睇完就走啦。」

港女OL：「摺，點走姐。It is a fucking foggy day」





我：「我地睇唔到野，咁面裝佬都未必睇得清姐。」

運動姐姐：「太危險，而且我地連相機都無。」

我：「隔多幾個鋪位有豐澤，去果到「拎」左相機再走，之後再跟我去如心廣場。」

運動姐姐聽到我講既野都算有啲plan答左句「嗯」都無咩意見。
港女OL見運動姐姐無咩意見，佢都唔加插咩。
於是乎我地執好個袋，搞掂所有行裝，就開定門，睇SMS。





我地做番相同既動作，抽左兩部手機出嚟，一部我拎，一部運動姐姐拎，而港女OL就負責抄。

「一，二，三」運動姐姐快快手數完，我地就開左錫紙睇個SMS。

上面寫住：

CBDL IPNF BOE USVUI DPNF UPNPSSPX

我見港女OL抄完，就包番好部手機，收埋入背囊。
拿拿聲帶佢地推住部單車，走過隔離既豐澤。
我求求其喺COUNTER到拎走三部DC仔就算，而港女OL就喺依個時侯解碼。

港女OL讀出個密碼：「BACK HOME AND TRUTH COME TOMORROW。」

運動姐姐：「即係要番屋企？」





我：「但係咁大霧莫講話單車，車都行唔到啦。」

運動姐姐：「咁可以點啊？」

「唔好理住，去左如心廣場先，此地不易久留。」語畢後我就推住架單車，帶佢地喺迷霧中行去如心廣場。
果種喺迷霧中行進既恐怖感真係難以形容，你永遠都唔知係邊個迎頭而來。
就算我手上有部DC仔，可以分得清佢地係唔係偽裝既西裝佬都好，你都走唔切。
基本上你可以見到既就只有濃厚白色既霧，你永遠都睇唔穿有咩。
視野就只有三四個身位，我唯有靠住啲鋪頭行，以免唔識路。
而且因為迷霧，我行得好慢好慢，以免運動姐姐同港女OL跟唔上。
我嘗試帶佢地由沙咀道經過周生生，行入去川龍街。
靠住招牌街燈依稀既燈光，我地先比較睇得清條路。
行到街尾，我地總算到左楊屋道街市。
我同佢地行上天橋，終於走左入如心廣場。





入到去，可能因為大霧既關係，廣場入面都係得小貓三四隻。
我同佢地兩個入左萬寧休息一會。

運動姐姐問我：「咁我地可以點？」

我：「如果佢叫得我地番屋企，會唔會要番到去自己屋企先知咩事？」

運動姐姐：「但係我同KAREN都住港島，點番去啊？」

我苦思左陣：「一係去我屋企？我住元朗姐，要番去應該唔難。」

運動姐姐：「都得既，一齊行動好過單獨既。」

港女OL：「No Way！如果佢講既野係真， 你可能會番去本身既世界，when you back home，then how about us？」





我：「但係……佢只係話我地聽只要聽日番屋企就會知真相，番去本身既世界係五日後既事。」

「啊麟講得無錯啊，而且最近既地方就係元朗，我地無得揀。」運動姐姐講完，港女OL都無聲出。

我：「sorry，但係最安全就係咁。」

運動姐姐：「不過……單車都無咩可能啦……」

我點點頭：「唯有喺到等霧散開去。」

運動姐姐：「咁如果啲霧散唔開呢？我最怕一到十二點，個真相就會出現，但係如果我地都未去到就會MISS左啲野。」

我嘆左道氣：「唉，唯有靠西鐵啦……而且都有好大機會西裝佬係幫我地既。」





運動姐姐報以苦笑：「如果到十點啲霧都仲唔散，我地就去啦……」


但係事情又點會咁順利，果然到十點啲霧都無消減既意思……