[劇毒]自從裝左小熊來電之後……我部電話就無響過……: 56

[4/3/2015 22:34] 

大隻佬，世估唔到佢竟然無事，雖然都睇到佢身上都應該流左好多血，但係佢成個人依然企左喺閘口前面同我地say hi。
運動姐姐毫不猶豫就即刻衝上去攬住大隻佬。
我同港女OL慢慢行過去，大隻佬比左個招牌式笑容：「HI，我無事啊。」

我：「你……無野啊？」

成身都染血既大隻佬：「比佢地咁斬法，點會無事，不過好彩Major Tom出現。」





我：「下？佢救左你？」

大隻佬：「唔係啊，佢地轉左去斬Major Tom放過我。」

我問：「咁你點避過西裝佬走過嚟？」

大隻佬喺佢褲袋到拎左三部電話出嚟，依三部正正係我，佢同啊樺既電話：「靠佢地我先走得番出嚟喳。」

聽到大隻佬既解答……我即刻知出事：「啊白過番嚟！」





運動姐姐望住帶住猶豫既眼神望住我，但係一切都太遲。
大隻佬喺佢風褸到拎起左支藍色毒藥一野吉左落運動姐姐到。

「頂你！」我對住大隻佬咆哮。

依個時侯大隻佬化身番做Major Tom：「有時侯，人既信任就係咁，好易利用。對唔住啦，啊白。」

我怒哮道：「點解你要三番四次呃我地啊？」

Major Tom攬實啊白，強吻啊白：「我講過我係幫你地。」





我：「咁點解你唔比我地揀？」

Major Tom好認真咁講：「因為無時間，你再跟住小熊來電講既去做，你會番唔到轉頭。」

「我地走！」我拉住港女OL衝過閘門機，Major Tom放低左運動姐姐，走過嚟攔住我地。

我拎住支掃把棒一野打落去Major Tom到，搞到佢即刻訓低。
我就乘機拉住港女OL走落去西鐵月台到，但係Major Tom好快就追得上我地。
好彩既係，一落到去架西鐵就埋站，我同港女OL當然就即刻衝入去，但係Major Tom既速度基本上仲快過保特，佢喺我地後兩卡既位置上左車。
佢衝住我地而嚟，就喺依個時侯，「do~do~do~do~」，架車開始關門。
我即刻帶住港女OL落番車，至於Major Tom？
就同架車一齊搭向南昌。

港女OL：「上去帶啊白走！」





我「嗯」左聲就同港女OL上番去個站入面，扶住運動姐姐搭西鐵去元朗。

運動姐姐坐左喺櫈上面一路忍，而港女OL一路一路罵我：「FUCK！How come？」

我抱住自責既心情低頭懊悔，更加唔敢望住運動姐姐：「我都唔想……」

港女OL：「why will he be there?」

我：「……可能係我地既電話……」

港女OL眼紅紅咁指住我話：「FUCK You！你點我地開電話，係你搞到啊白中招架！」

我：「對……唔住」





忍泣中既運動姐姐都忍唔住撳低港女OL既手：「嘻嗝……算啦……Karen……嘻嗝……係我大意……唔關佢事……」

聽住運動姐姐咁講，我更加唔敢望住佢，港女OL：「fuck fuck fuck！」

我望住手上既電話，我正想用錫紙包番住佢既時侯，運動姐姐：「唔好，你自己收一部，其他既交比我啦。」

望住眼紅紅既運動姐姐，我喊左出嚟，係我搞到今日咁……
我喊住咁抽起左運動姐姐既手機用錫紙包住佢，再將其餘手機一次過交比運動姐姐。

運動姐姐拍拍我手背對我苦笑：「你好好睇住Karen啦。」

我一路喊喊喊直到我番到元朗，我目送住運動姐姐拎住啲電話走。
最後得番我同港女OL兩丁友……