《香港傭兵》: [Day 23－殺戮特區] PART 11
綽姿冇理我咁多...行埋去啲人體殘骸...
我就...行近橫瞓喺石壆前嘅白色輕型貨車...
我一步一步行近...白色嘅輕型貨車車上...應該仲有...三具屍體...仲有...一個...活人...
我跳上前座車身...一手就將車門拉爛...掉埋一邊...
望入車廂裡...就見到有個頭破血流嘅西貢獻命光頭佬坐喺司機位...好似好痛苦咁：「吖...嗄...呀！」
我一手就將個西貢獻命光頭佬扯出車廂...再掉佢落馬路上...
雙腳早喺我向住右邊身車...使出居合拔刀氣刃斬之時...就被斬斷嘅西貢獻命光頭佬就喺馬路上爬...爬：「呀！吖...嗄...呀...」
我由白色輕型貨車跳返落地面...喺仲喺馬路上爬緊嘅西貢獻命光頭佬身邊行近兩步...
「吖...救...救命...呀...嗄...」西貢獻命光頭佬頭破血流咁努力向前爬...好用力咁...但又爬得唔遠...
我舉起紅光刀刃...一刀插落西貢獻命光頭佬隻右手手掌...
「嗚呀！」西貢獻命光頭佬立即發出慘叫！
我踎喺西貢獻命光頭佬身邊：『講...你哋匿埋咗喺邊？』
「呀...救...救命...呀...」西貢獻命光頭佬左手捉一捉住自己隻被紅光刀刃插住嘅右手...
“嗡！”我立即拔起紅光刀刃...再一插...將西貢獻命光頭佬雙手串燒咁插住喺馬路上...
「呀！放...放過我...求求你...放...」西貢獻命光頭佬成面血咁望住自己對被紅光刀刃插住嘅手掌...
我捉住西貢獻命光頭佬個頭...擰佢過嚟望住我：『講...你哋嘅基地喺邊？』
「呀...呀...嗄...」西貢獻命光頭佬雙眼好似雲遊咁...
“嗡！”我再拔起紅光刀刃...再一插...插落西貢獻命光頭佬嘅肩膀...
「呀！！！」西貢獻命光頭佬再嗌得大聲啲...面容再痛苦啲...
『講...』我再拔起紅光刀刃...再一插...再插落西貢獻命光頭佬嘅肩膀...
「呀！呀！！！」西貢獻命光頭佬再嗌...
『講...講...講...』我再拔...再插...再拔再插...
「呀！」
“嗡！”
「呀！！！呀！」
“嗡！嗡！”
「呀！呀...嗄...」
“嗡！嗡！嗡！”再拔再插...再拔再插...再拔再插...
插到西貢獻命光頭佬兩邊肩膀都穿晒窿...
「吖...嗄...放...放...求求...放...嗄...」西貢獻命光頭佬已經唔可以靠雙手爬...就只可以好似條死蛇爛鱔咁喺馬路上捵吓捵吓...
我再從後插西貢獻命光頭佬背脊一刀：『講吖...」
西貢獻命光頭佬只係震吓震吓...口噏噏咁：「嗄...放...放...過...嗄...」
望住西貢獻命嘅光頭佬雙眼失去焦點...郁都唔郁...瞓喺馬路上...失去知覺...失去...生命...
『咁就死咗...而家啲人真係唔捱得...』我企返起身...手上把精神刀嘅紅光刀刃同時消失...
綽姿企喺橫瞓喺石壆前嘅白色輕型貨車上...抬住兩件西貢獻命光頭佬嘅上半身屍體：「過嚟幫手抬埋兩件出嚟...」
『好...』我就跳上白色輕型貨車車身...跳入車廂裡面...
喺架白色輕型貨車車廂裡面...除咗兩件下半身殘肢...仲有兩具斬開上下半身嘅屍體外...我仲見到有兩三箱...白色嘅...冷凍箱？
我冇理到啲屍體...走去睇睇白色冷凍箱...
我隨便打開其中一個橫瞓喺車廂裡嘅白色冷凍箱一睇...
綽姿就企咗喺車上面...探頭望入嚟：「搞咩搞咁耐？」
『冇...我發現...有箱...血包...』我拎起包血...睇一睇...係O型嘅血包...
「血包？」綽姿走入嚟抬埋另外嗰兩件上半身屍體...
『嗯...』我再拎另一包喺手睇睇...係B型血包...
掉返低兩包血包...再打開其餘兩箱白色冷凍箱...都係存放咗大量唔同血型嘅血包...
咁多血包...
我就爬返出車廂...諗一諗...
「過嚟幫手啦...」綽姿就用發出紅光刀刃嘅精神刀...喺件趴喺馬路上嘅西貢獻命上半身屍首上...條頸嘅紋身上輕輕一片...
薄薄一塊...冇血...完整嘅人皮紋身就喺綽姿手上...
我都行近其中一件趴喺馬路上嘅屍首身邊...
“嗡！”亮出紅光刀刃...指住屍首條頸後面...對正左邊個紋身...
輕輕手咁片...好唔容易咁...先片都塊人皮紋身出嚟...
我拎住塊人皮紋身睇睇...總算完整...之但係...
『不如都係由你嚟剝皮...』我再望多兩望塊人皮紋身...交俾綽姿...
「咁都想偷懶？」綽姿接過我手上塊人皮紋身...
『唔係...』我擰擰頭...『只係...劍術方面...都係你比較厲害...』
假如...假如要我用匕首嘅話...可能會就手啲...
之但係用匕首嘅話...又血淋淋咁...冇用精神刀刃一片冇血咁方便...
「好...」綽姿點點頭，「由我嚟剝都好...免得俾你剝到爛晒...」
『嗯...』講真嗰句...完唔完整對我嚟講都唔重要...
報酬唔重要...
我只在乎...殺人...
只係殺人嘅同時...又可以賺取報酬...喺唔礙於我嘅興致之下...我都樂意配合...
唔破壞紋身嘅完整之下...殺人...盡情殺人...
我望一望橫瞓喺石壆前嘅白色輕型貨車...再望一望十字路...
『我哋而家應該去...醫院...』我再望住新墟嘅方向...
「醫院？」綽姿收好啲人皮紋身後...行到嚟我身邊...
『嗯...』我點點頭...『我睇佢哋應該係有唔少人...喺醫院...』
「佢哋喺醫院做咩？」綽姿同我一齊望住新墟方向...
『我都唔知...我都唔肯定...要再確認...但係睇車裡面嘅一箱箱血包...過去睇吓先...』我再望上斜路...望上杯渡...
應該就冇錯...
「嗯...」綽姿都點點頭...
『好...起程...』我立即以忍步跑上斜路...向杯渡方向跑...
綽姿都立即跟喺我身邊...我哋兩個就以忍步極速喺馬路上跑...
沿住條馬路一直向上跑...好快就跑落去新界環迴公路...
同綽姿喺寬闊嘅公路上跑咗一陣...
“吱！”就已經聽到電動引擎聲...
“吱！吱～”仲要唔止一架...
“吱～吱吱～”離遠就已經見到有三架白色輕型貨車...向住我哋嘅方向駛緊過嚟...
我放慢腳步...
“嗡！”拔出精神刀...亮出紅光刀刃...
一步一步...我同綽姿一步一步...慢慢放慢腳步...
“依！依...依...”三架白色輕型貨車都冇選擇衝過嚟...撞埋嚟...而係選擇停落嚟...
三架白色輕型貨車一字排開咁停定後...同時有人打開車門跳落車...
有三個西貢獻命光頭佬都手持...RPG...對住我哋...立即發射...
“噴超！噴噴超超！”三聲響...正正就有三粒…尾部噴住火光嘅火箭炮…向住我哋身處嘅方向飛緊埋嚟...
望住三粒火箭炮越嚟越近…我集中精神喺手中嘅精神刀之中...
“嗡！嗡！”向住三粒火箭炮揮兩刀...兩道紅光刀氣就斬向三粒火箭炮...
兩道紅光刀氣劃過三粒火箭炮後...
“轟隆！轟轟隆隆！”三粒火箭炮隨即產生大爆炸...
熊熊烈火...火光熊熊...濃煙升上空中...
我冇等到濃煙飄散...就立即衝入濃煙之中...穿過烈火...跑到嚟三架白色輕型貨車前...
三架白色輕型貨車旁邊都企咗十二個手持RPG同長槍嘅西貢獻命光頭佬...
其實喺三粒火箭炮爆炸嘅一刻...我就感覺到...感覺到佢哋嘅生命...佢哋落咗車...
就喺佢哋十二個都嚟唔切反應...仲未感知到我已經喺濃煙同烈火之中衝咗過嚟之時...
“嗡！嗡嗡嗡！”我逐一斬斷佢哋手上嘅長槍...RPG...同時喺呢十二個西貢獻命光頭佬身上斬兩刀...再一刀橫斬落佢哋面頰...將佢哋半個頭顱斬落嚟...
喺十二個上半頭顱仲喺空中...都未跌到落馬路上之前...我再用居合拔刀氣刃斬向住三架白色輕型貨車車頭一斬...
“嗡！吱！！！”三架白色輕型貨車車頭被紅光一劃...深深咁劃再一大刀...坐喺裡面嘅司機隨即同時被攔腰分開兩截...
我手上把精神刀嘅紅光刀刃消失後...將把精神刀柄收返喺腰間...綽姿都穿過熊熊烈火...行到過嚟...
綽姿望望地上嘅屍骸...然後就行近其中一件...用佢手中嘅紅光刀刃...開始剝皮...
而我...就行入其中一架白色輕型貨車車廂...睇一睇...
今次裡面有...幾箱紙皮箱...
我就隨便打開其中一個...睇一睇...係...藥...
我喺紙皮箱裡面...拎起一包包...一盒盒藥...睇一睇...
雖然唔識睇啲學名...唔知係咩藥...總之就係藥...
我再打開其他紙皮箱睇睇...裡面除咗有藥丸...亦有藥水...
「拖埋車裡面嗰件出嚟...」綽姿喺出面嗌入嚟...
『好...』我就掉返低啲藥...行去司機位...拖件上半身屍首落車...掉喺綽姿身邊...
上完一架...再上另一架睇睇...
呢架又係有幾箱紙皮...又係有一包包...一盒盒...一樽樽藥水...
掉返低啲藥物後...又行去司機位...拖件上半身屍首落車...掉喺綽姿身邊...再上另一架睇睇...
呢架又係有幾箱紙皮...而裡面除咗有藥水...仲有針筒...
掉返低啲針筒後...又行去司機位...拖件上半身屍首落車...掉喺綽姿身邊：『睇嚟真係...』
「嗯？」綽姿一片...就將屍首條頸左後方個紋身片出嚟...
『佢哋真係喺醫院運啲嘢出嚟...』綽姿真係...好熟手...
「係血包...同藥物？」綽姿繼續一刀一塊人肉紋身...
『嗯...除咗血包...仲有藥物...應該都係由醫院運出嚟...頭先第一架遇到嘅...都應該係由呢條公路出嚟...兜入新墟...』路線應該就係咁...
「佢哋係想...拎埋啲藥物走佬...」綽姿將屍首上嘅紋身逐一剝落嚟...
『嗯...應該就係...打算盡量拎晒啲藥物同血包...真係打起仗上嚟...都有得救...之但係...佢哋想去邊？』佢哋駛向嘅方向...深井已經封咗...出唔到...
「可能係想去黃金...經水路逃離屯門...又或者去...小欖...」綽姿將所有屍首上嘅紋身剝晒落嚟...
『去...小欖？』