《香港傭兵》: [Day 23－殺戮特區] PART 12
小欖...頭先返入嚟嘅時候...仲有西貢獻命嘅人喺嗰邊駐守...
唔知有冇行者過咗去嗰邊...
我諗...應該唔會...
始終都叫做...有啲遠...
又唔知嗰邊有幾多人...等陣過到去就只有小貓三四隻...咁就浪費時間...
所以...我都冇打算要走過去...
「嗯...」綽姿將啲人皮紋身都收好，「不過我就覺得去小欖嘅機會唔大...」
『嗯？』點解呢？
「雖然話係邊界嘅防線...但我唔覺得西貢獻命會想同我哋硬撞...」綽姿向住三架白色輕型貨車行過去。
唔想同我哋...硬撞...
「我諗唔係突然之間嘅事...以我估計...西貢獻命應該喺之前就收到風...縱使唔係全部人都知...最起碼骨幹成員一定知...」綽姿檢查一下白色輕型貨車。
冇錯...
細嘅唔會知...知嗰陣時就已經差唔多冇命...
大嘅早就知...叫啲細嘅去死...自己保住條命...
黑社會又好...地下組織又好...警察又好...軍隊又好...就算係國家政府都係咁...
所有被踩住嘅...都預咗係用嚟犧牲...
「佢哋一早就諗住運啲藥物走...唔止...軍火都應該係...」綽姿再檢查另外兩架白色輕型貨車，「唔會死守山頭...同我哋拼過你死我活...一定係想逃走...想匿喺其他地方...再諗辦法...」
都係...留得青山在...
「做唔到國安局嘅走狗...咪再搵主人...」
那怕冇柴燒...
「上一次係咁...今次又想重施故技...」
之但係...
『我唔會俾佢哋有機會...』唔會...唔會俾機會佢哋...
綽姿回頭打量住我...
『趕盡殺絕...』
一個都唔會留...只要...係有紋身嘅...西貢獻命光頭佬...
我同綽姿冇再理會三架白色輕型貨車...冇再理會散到一地都係嘅人體殘骸...繼續喺公路上...向住醫院方向...以忍步極速前進...
唔使幾耐...只係跑咗一陣...就已見到屯門醫院...
再跑快啲...向住屯門醫院...再跑得近啲...就已經見到...見到入口外有八個手持長槍嘅西貢獻命光頭佬...神色慌張咁...望嚟望去戒備...
入口有八個...再入少少...仲有十幾人搬緊嘢上大型貨車...
殺人...有十幾廿人...等緊我殺...
我再短距離加速...極速向住入口外嗰八個手持長槍嘅西貢獻命光頭佬接近...
迅雷不及掩耳...已經俾我差唔多跑到去入口...
就喺八個手持長槍嘅西貢獻命光頭佬都未嚟得切反應...
“嗡！”我拔出精神刀...亮出紅光刀刃...同時一閃...
將其中一個手持長槍嘅西貢獻命光頭佬攔腰一斬...
“嗡嗡！”再喺佢身上快斬兩刀...
就喺西貢獻命光頭佬嘅身體分離緊嘅同時...我再向其餘七個身體各斬砍三四刀...
“嗡嗡！嗡嗡嗡！”紅光刀影閃咗十幾下...八個西貢獻命光頭佬嘅人體殘骸正要散落地上之時...我再立即衝向大型貨車...
殺人...殺人...將活生生嘅人...斬開幾件...
好爽...呢種感覺...好...好爽...
喺大型貨車附近嗰十幾個西貢獻命光頭佬察覺到入口好似發生咗事之時...我就已經跑到去佢哋面前...
“嗡嗡！嗡嗡嗡！嗡嗡！嗡嗡嗡！”我喺佢哋所有人身上亂刀狂斬...
紅光刀影閃過不停...喺一個又一個光頭佬身上劃過...
紅光刀刃劃過活生生嘅人體...雖然好快速...好短暫...但係爽...
呢種感覺...將人體砌開嘅感覺...
好熟悉...好令人懷念...回味...
之但係...唔係因為之前...唔係因為較早之前試過...
係再早之前...好耐好耐之前...曾經...一段時間...唔算太長...但燦爛...
刀嘅感覺...係匕首俾唔到...
“嗡嗡嗡！嗡！嗡嗡！”殺人毫不手軟...用紅光刀刃...將一個個活生生嘅西貢獻命光頭佬分屍...
“啪啪！啪啪啪啪！”人體殘骸散到一地都係...
殺人...分屍...只係差...差在冇血腥味...
我握實手中嘅精神刀...刺眼嘅紅光刀刃...就係缺少咗...血腥味...
心中總係藏著點點遺憾...
我回頭一望...望住喺入口用紅光刀刃剝緊人肉紋身嘅綽姿...
一片...一片...再一片...好清脆利落咁將散喺地上嘅人體殘骸條後頸左邊紋身剝晒出嚟...袋好...就向住我呢邊行過嚟...
「咁多...就算只係收集紋身...都唔夠袋...」綽姿望望散喺地上嘅人體殘骸...再望望大型貨車旁邊...一個黑色大袋，「啱晒...用佢袋住方便啲...」
綽姿就拎起個黑色大袋...將裡面一包包藥丸倒晒落地...再將之前剝咗嘅人肉紋身放入去...
然後...綽姿就喺散喺地上嘅人體殘骸上...開始剝佢哋後頸左邊嘅紋身...
雖然綽姿好熟手...剝得好快...之但係...唔可以企喺度等...
獵物唔會乖乖企喺度等你去獵殺...更何況...唔止得我哋兩個捕獵者...
喺呢個狩獵場裡面...仲有好多...好多饑餓嘅捕獵者...
『我入去先...』我轉身向住玻璃門方向行...
「嗯...」綽姿就繼續剝...一刀一刀...好快手咁剝...
綽姿剝完皮...自然會跟住我留低過嘅氣息...剝俾我殺咗嘅獵物...
玻璃門自動打開...我一步一步行入醫院...
行多兩步...就見到醫院裡面嘅西貢獻命光頭佬望住我...
喺佢哋手上...拎住長槍又好...拎住一箱箱...一盒盒嘅嘢又好...面上無一不露出驚恐嘅表情望實我...
「SPI...」
我就喺佢哋仲未嚟得切大嗌之時...以忍步極速接近...
快到好似只留下紅光殘影嘅我跑到去佢哋身邊...
“嗡！嗡嗡！嗡嗡嗡！”逐一將佢哋斬到四分五裂...
殺人...殺人...
“嗡嗡！嗡！”喺每個西貢獻命光頭佬身上斬兩刀...再橫斬一刀落面頰...
紅光刀影劃過每個人身上...面頰上...
殺人...分屍...盡量唔破壞紋身嘅完整...
呢種感覺...好爽...奪取他人生命...斬到好似散件咁...
“嗡嗡！嗡嗡嗡！嗡！”一瞬間...將空間之中...十二個西貢獻命光頭佬分屍...
“啪啪...咚...啪...咚咚...”人體殘骸、槍械同藥物都散到一地都係...
人...仲有邊度...有活人...
我感覺到...喺房裡面...
我一步一步...向住長長嘅走廊行入去...
突然...有兩個西貢獻命嘅光頭佬由轉角行出嚟...
我立即以忍步接近...
“嗡嗡！嗡！”立即將兩個西貢獻命同時分屍...
唔止佢哋兩個...仲有...仲有人...有人喺裡面...
我再一步一步...行入唔知咩室嘅大堂...
有六個持槍嘅西貢獻命光頭佬一見到我...立即用槍指住我大嗌：「SPIRIT呀！佢哋嚟咗喇！」
隨即...
“砰砰砰砰砰！”六個持槍嘅西貢獻命光頭佬同時向我開槍...
“嗡嗡！嗡嗡嗡！”我揮動手中嘅精神刀...紅光刀刃將飛埋嚟嘅子彈都擋住...
子彈接觸到紅光刀刃嘅一瞬間...立即化為輕煙...
我再擋多幾粒子彈...就踏前一步...向住最前嗰個西貢獻命光頭佬衝埋去...
“嗡嗡！嗡！”兩刀斬斷佢手中支長槍後...再一刀插入佢胸口...
「嗚...呀！」被我用紅光刀刃插住...喺正我面前嘅西貢獻命光頭佬發出慘叫...
其餘五個持槍嘅西貢獻命光頭佬先察覺到我已經移動到佢哋面前...立即再用槍瞄準我...開槍...
“砰砰砰砰砰！”十幾粒子彈再次向住我身處嘅位置飛嚟埋...
我立即用刀刃舉起西貢獻命光頭佬...借佢嘅身體擋子彈...
「呀！呀呀呀！！！呀...吖...」西貢獻命光頭佬只係中咗十幾粒子彈...全身上下震咗幾震...就失去知覺...
我繼續用刀刃舉住西貢獻命光頭佬屍體...擋住飛緊埋嚟嘅子彈...
“砰砰砰砰砰砰！”在場嗰五個開緊槍嘅西貢獻命光頭佬完全冇理會過仲被紅光刀刃舉起嘅屍體...繼續向住屍體遮掩住嘅我開槍...
一震一震...我感覺屍體被幾十粒子彈打入...震吓震吓...經由紅光刀刃傳到我手中...
而且仲有幾粒...穿過屍體...飛埋我身上...
由於有屍體卸力...子彈嘅威力已經減到好弱...只係輕輕撞到我身上嘅行者長袍...紅色粒子只係輕微閃亮一下...全完冇感...
我立即將屍體拋起...“嗡嗡！”再喺佢身上斬兩刀...隨即以迅雷不及掩耳嘅速度...將在場嗰五個開緊槍嘅西貢獻命光頭佬分屍...
紅光閃動後...“啪啪...啪啪啪...”人體殘骸散落一地...
我回頭望入匿喺櫃檯入面...驚到震晒嘅西貢獻命光頭佬...
我一步一步...行過去...向住匿喺櫃檯入面...全身震震嘅西貢獻命光頭佬行過去...
西貢獻命光頭佬一知我行緊埋去佢身邊...就立即拎起支槍指住我：「嗚呀！！！」
“砰砰砰！”子彈立即向住我飛埋嚟...
“嗡嗡嗡！嗡！”我近距離揮動紅光刀刃...擋住四五粒子彈後...再一刀橫斬落西貢獻命光頭佬嘅面頰...
「呀！呀...呀...」上半邊頭顱飛到上空中...
“啪...”屍體倒在地上...
“咚！”當上半邊頭顱跌落地上之前...我已經轉身...離開...
我行返出走廊...
繼續...繼續...
一步步行...喺走廊裡一步步行...
要繼續...殺人...殺晒...所有人...
要快啲...要再快啲...唔可以俾佢哋...有機會逃走...
跟住生命嘅氣息...行到另一個大堂...我已經見到有七八個西貢獻命光頭佬跑緊...好似係想...跑去出口...
我就趁住佢哋察覺到我...但仲未嚟得切反應望過嚟之前...以忍步接近...
紅光殘影一閃...
“嗡嗡！嗡嗡嗡嗡！嗡！”紅光刀影亂舞...瞬間將七個西貢獻命光頭佬分屍後...一個轉身...將剩餘一個對小腿斬斷...再立即從後一刀插入佢背脊...
「嗚...呀！！！」紅光刀刃由西貢獻命光頭佬背脊刺入...由胸口穿出...
被紅光刀刃刺穿嘅西貢獻命光頭佬失去一對小腿之下...被我舉起...
「呀！呀！！！嗚...嗚呀！！！」不斷發出慘叫...被紅光刀刃刺穿住咁舉起嘅西貢獻命光頭佬...全身不停郁動...雙手試圖捉住由胸口穿出嘅紅光刀刃...
之但係精神能量嘅強大...西貢獻命光頭佬對手掌一接觸到紅光刀刃...立即截斷...
「嗚...呀...呀！呀！！！」不斷慘叫...不斷想掙扎卻掙扎唔到嘅西貢獻命光頭佬...就只有慘叫咁被我折磨...
痛苦嘛？
被折磨痛苦嘛？
喺死亡邊緣被折磨...比死更痛苦嘛？