[恐怖/探險] 達德詭校: 18

「細佬，終於俾我搵到你。」大哥轉過身體，握著如眼神般尖銳的刀子。

原來，是North的詭計。

「你……點樣？冇事嗎……」我嘗試緩和氣氛。

「我一起身，就發現自己喺達德學校外面，重有阿怡把刀。」大哥淡然說。

他應該不知道，Sing和阿怡已經犧牲。





然而，他也不會在意。

「你唔駛拎住把刀……」我站在遠方，無奈地說。

「我諗我好需要。」大哥一瞬間變得沉重：「我嘅敵人就喺面前……」

「…」他是被洗腦了？

還是，完全清醒？





「你諗錯曬。」我說。

「一切都係你嘅錯，係你入去嗰個廁格。」陰沉的大哥踏出一步：「係你引嚟呢個詛咒。」

「係你叫我入去。」我想起廁所內的事情。

是大哥，他要我進去廁格的。

「冇錯，但我冇諗過……我哋會跟住你出事。」大哥回答。





「即係你存心想我瀨嘢？」我反問：「好似阿爸同North咁？」

「記唔記得嗰通電話？」大哥忽然問我：「一開始嘅事嚟。」

一通電話？

對，是進入達德學校前的事情，大哥接通了，而我則選擇掛線。

「嗰個係保險公司嘅電話嚟。」大哥解釋道：「恭喜你呀陳正，你有八成遺產，而我就只有兩成。」

「你……」

「好啦，阿爸死左，本嚟打算友善啲，做下兄弟樣，應承你去探險，重幫你搵個導遊……點知阿爸一早就安排好，我只係得少少。」大哥說：「而明明，係你冇好好睇住
佢，冇兌現你嘅承諾。」





「唔係我害死佢，而遺產嘅嘢我乜都唔知。」我反駁。

「但事實擺在眼前，阿爸偏袒你。」大哥舉起刀子，直盯上我。

不能勸服了。

大哥奔到眼前，我也轉身逃跑，深入樹林裡。

大哥依然是人，我能夠殺死他嗎？

我在樹木間來回穿插，撥開礙事的樹枝，飛快地奔騰。

「殺左你，世界就會恢復正常！而我亦可以繼承所有！！」大哥大喊。

或許，我的確是災禍的源頭。





但我不想死。

視線因黑色的雨水而變得朦朧，濕透的草地讓我不得不小心。

而大哥像蠻牛一樣，橫衝直撞，毫不懼怕。

似乎是下定決心殺死我。

驀然，一條枯木絆倒我，我失足倒地，無法逃脫。

「我一定捉到你！！！」大哥像是瘋掉一樣。

沒有辦法，我只好躲到一旁的大樹後，希望能夠瞞天過海。





逃跑和躲藏，我似乎只會這些。

我不敢探頭窺察，生怕大哥會直接發現。

然而，他的腳步聲實在明顯。

「撻撻撻撻……」他在附近徘徊，似乎是要找上我。

「出嚟！！面對你嘅錯！！！」大哥說：「重記唔記得你應承過乜嘢！！！照顧阿爸呀！！！你睇下你自己！！！！！！」

我大概猜到，那把刀子正在等候著我。

驀然，大哥的腳步聲消失得無影無縱。

是離去了？





不，他的腳步聲不是遠去，而是完全消逝。

那麼，是站在原地等？

那是為何……

「呀呀呀呀！！！！」大哥忽然出現，高舉刀子，劈向我的天靈蓋。

我瞪大眼睛，立刻轉動身體，刀子落在木條上。

這一招，害我差點送命。

我不得不反抗，伸出左腳，將大哥踢開。

「啊！」大哥退後兩步，拉掉距離。

然後，我盡快站起，戒備對方。

「細佬永遠打唔贏大哥，你知嗎？」大哥問我。

「呢個世界冇永遠。」我回應。

「哈，由我收到電話嘅時候，我就諗過搞死你！你個冇用嘅垃圾！！」

大哥衝到眼前，我舉手擋刀，再以直拳還擊，然而拳頭直接落空，反讓大哥前來一踢，擊中肚子。

「啊啊！！」我幾乎吐出血來。

然後，大哥再來一記左勾拳，害我直接倒地。

「話左你知，你打唔贏我。」大哥再次舉起刀子：「啱啱嗰拳，係為譯哥嘅，你害死左佢。」

「…」

我從沒有害過任何人。

這時，我摸到一塊石頭，跟鬧鐘一樣大。

來得真及時。

我緊握石頭，再砸向大哥的臉上。

「啊啊啊！！」大哥中計，退後兩步。

我趁著最後機會，迅速爬起，再一把推走大哥。

本來的計劃，是弄開大哥，然後往後逃跑。

然而，大哥居然直接……

死去。

他的頭顱擊中樹幹，血液筆直流下，身軀躺臥地面，一動不動。

而遠方，是掛著笑臉的父親。

他慢慢走來，端詳著地上的大哥。