我竟然鍾意左...！？: 第二章
哇咁快就到左8月19日，亦即係一齊去書展既日子。自己也蠻期待今次書展，因為所有書籍都有8折以上。照早8點就起左身既我先洗澡，將凌亂的頭髮整理好，換左件黑色T-shirt配一條黑色貼身牛仔褲就出門。住喺九龍塘既我同灣仔站只相差8個站，趁仲有時間就去左樓下茶餐廳嘆個早餐先，結果最早到既人都係我...
去到9點半，終於一齊入到書展了，啊凌大叫一句:=15.6px「我黎啦Rose Ma!」就一支箭飛左去賣寫真既攤位排隊。而啊天同娜姐就一齊周圍行下，始終佢地都唔係睇開書。而我就自己邊行邊搵下有冇合心水既小說，始終今日係書展第一日，真係人山人海，根本就冇得企定逐本書睇，人地行你就要跟住人地行....
「終於搵到一本書啦！」呢一刻我打從心底地興奮起來！搵左成粒鐘終於搵到一本書啦！仲要得返最後一本，上天真係對我不薄～正當我=15.6px喺人群中伸出強而粗壯的手臂去拿這本書時，「差一點....仲差一點！」終於俾我掂到本書啦！但同時，一位被烏黑的長髮遮蓋了側面的女生在我旁邊用她纖細而白得反光的手掂住左本書，我的視線從書轉向這位女生，身穿一套蕾絲米白色連身裙的她亦轉身望向我，魔鬼般的身材、天使般的臉孔、再加上天然呆既神情不禁令我「哇～」左一聲，就係咁，我同呢個感覺熟悉又陌生既女生對視左3秒。佢俾我眼甘甘望住佢而感到尷尬，我見佢已經變左做關大哥都覺得唔好意思....
「係呢，我想問你啱啱哇乜野？」完全只帶著好奇心的語氣，開左口問我。
「冇，只係覺得竟然你呢種咁文青feel既女仔會鍾意睇呢個作者既愛情小說姐」即場執生既我勉強帶著笑容講呢個大話。
「原來係咁～」
「係啦， 難得遇上知音人，呢本書你買先啦，我到時再去書局搵下啦」作為一個有風度既男士係應該「Lady First」的，所以做出咁既決定。
「呢本書係出面書局已經好難搵到啦～不如咁啦，我地夾錢買呢本書，然後再每人睇一個月啦好唔好？但你當然要肯相信我唔係騙子啦，哈哈～」
「相信佢，佢係一個值得你相信既人」
心中突然出現呢句說話，就係咁，我就答應左呢位女生，同時，就係呢一刻改變左我的一生.......