我竟然鍾意左...！？: 第六章

「係呢阿明，點解你知我鍾意黑色既？唔通你.....」雯雯帶著微笑，卻俾人一種好認真，好想知道知道答案既感覺。搞到我都有少少認真起來。

「唔係啊唔係啊！我冇起你底！我真係覺得你carry到條裙先買咋！」我好認真咁回答雯雯既問題。

「講笑咋！唔洗咁認真～就算你真係起我底我都冇所謂架,反正我又冇做咩壞事～」我覺得好奇怪，唔知點解雯雯聽到我既答案之後唔係放心起黎，而係有點失望，搞到有點兒尷尬....

「其實你鍾意黑色咩？我上次見你著白色裙，幾驚你反而唔鍾意黑色....」我費事一直尷尬落去，所以就開口先。

「梗係唔係啦！咁淨係著黑色的話就好難襯衫了。但其實我最鐘意既都係黑色。」雯雯都知道我唔想氣氛尷尬下去，所以都帶著微笑，爽快地回答。



「係有原因?」

「係故事裡面大多數壞人都係孤獨，沒有同伴可言，沒有信任可言，只有黑色衣服可說是他們唯一的同伴！也是帶給他們安全感的唯一方法。」

眼前既雯雯就好似感嘆自己的一生，可能對佢黎講，就只有黑色能夠俾一份安全感佢 。同時亦感到好驚訝，因為我從未聽過咁既原因！但我都冇繼續追問落去，停左個話題，繼續食野。就係咁樣食下野傾下計，時間已經到左兩點。我地費事霸住張檯就走左。

「係呢啊明，你得唔得閒？」

「得閒啊。做咩?」



「不如一齊去書局行下？」

於是我地就去左旺角一間書局睇下書。因為我地都比較鍾意睇流行讀物，所以冇分開行。呢個時候，我地都被一本書所吸引。我地同時伸出手，拿起呢本書。同時拿住同一本書既我地都不禁笑左出黎。

「估唔到我地既口味咁似！哈哈」

我地留左喺書局一段時間，不經不覺已經到左4點半。雯雯話因間有事做，所以我同佢行返去地鐵站。佢要去尖沙咀做野，所以我地搭唔同線。而往調景嶺既地鐵黎先，所以我就行先一步了。

「啊明，我講過我會請你食餐飯，有咩我地再電話講啦！反正你有我電話。同埋你平時搵我吹下水都冇問題架！掰掰」入到車廂既我轉過身來



「好啊！咁你自己因間小心啦，掰掰」就係咁，我地就分開左。

經過今日之後，令我更加認識雯雯，我估佢應該係一個缺乏安全感既人。同時亦令我感覺到，自己好希望可以俾到安全感佢，成為佢心中既天使....