我竟然鍾意左...！？: 第七章

「下一站，九龍塘，next station...」
3個站哇咁快就過左，但呢3個站既時間已經令我諗左好多好多野...自問我係一個好希望能夠保護身邊事物既人，但正正呢一點令我好難分清楚自己係處於性格上，想「保護」呢個人定係出於自己「真正的愛」。而且我都未拍過拖，令我更加肯定唔到自己係唔係鍾意左雯雯。呢一切一切，令我好困擾，好頭疼...

頭疼還頭疼，都係要生活！我買左兩個大家樂外賣，一個for娜姐。之後再去糖水鋪買兩個杏仁糊就翻左屋企。

其實娜姐除左係我同學，朋友之外，佢仲係我既堂家姐。但佢話我叫得佢太老，所以就一直叫返佢娜姐算~我聽佢講我細個失過一次憶，失憶前父母就已經離開了我。所以我就一直住喺佢屋企。但娜姐媽媽因為身體有病，佢父母就去左外國養好身子。簡單黎講，而家我就係同娜姐一齊住，生活開支就由佢父母寄過黎。我有時都會做下兼職幫補家計～

「返黎啦」我入左娜姐間房，我淨係見到一條乾屍系張床度...🤦🏻‍♂️

「咁耐嘎！好肚餓啊我！😩」而家先5點半，你同我講好肚餓...



「係係係～叫左你唔好成日去friend度過夜啦，夜晚成班人唔係打麻雀就當免費網bar咁打，你個青靚白淨既樣遲早玩完啦！」我真係出自關心咁話佢，始終我都一早當左佢係我家姐～

「得啦得啦～少D少D~」

「算啦！我都冇你乎....記得點翻屋企就得啦」睇黎我都唔係太識嬲人...

「等陣！」正當我走出門口既時候，佢叫停左我。

「咩？」



「姐姐我呢，雖然就要你照顧，但係都好關心你呢個弟弟啊～😏」娜姐帶住好奸既笑容...

「點啊？今日～😏」連奸笑聲都出埋黎...

「我有少少攰，我沖涼先啦,慢慢享用你既晚餐！」呢種時候早走早著！我一支箭飛左入房，費事俾人問長問短。

沖完涼，洗埋衫，睇陣書，睇下睇下就訓著左....

「...而天使無法再愛上任何一人，直到重遇那位已經失去記憶的凡人，並再次相愛起來.....」



「喂！唔好信啊！」坐喺隔離個女仔咁樣同我講

「下？信下無妨吖，唔係咩？」

「唔會有幸福...」個女仔臉上流下兩行眼淚...

「陳啟明，陳啟明！」

又醒過來了.......