我竟然鍾意左...！？: 第二十章（下）

面前所見到既係一條空無一人既走廊，我帶著緊張既心情一步一步行入去。一轉角，就見到衣衫不整既雯雯90度訓左喺牆。然後有條友揸住把生果刀，擺系雯雯塊臉隔離！

——————————————————

啱啱阿明好有風度咁幫我掉埋杯野飲，正當我企左喺度等阿明既時候...

「唔想死就跟我行！😠」突然有個人係身後同我講，我感受到身後有樣尖尖地既野吉住我，我頓時變得好驚，所以就跟住條友行。

佢應該收起左把刀，帶左我入去書局隔離再隔離既一條走廊入面。走廊空無一人，加上係6點，天開始暗，搞到我仲驚！一入到走廊入面既轉角位，條友一手就推低左我，我90度咁挨左喺牆。我真係好驚好驚。





「就係你！搞到我咁瘀！😠」佢終於開口。

「我...邊有...?」我已經變得好驚好驚！何況呢個位可以話係冇乜人行入黎，我可能真係會任人魚肉....

「如果你一早話我聽你有男朋友，我咪唔洗咁瘀lo！」雖然佢帶住口罩，但我都應該知道佢係邊個——Sam。

佢非常激動！然後佢突然禽獸mode！佢好暴力咁將我條裙既右膊位撕爛！我既胸圍帶就咁露左出黎...我呢個時候就覺得自己等緊俾人強姦。就連我最後既防衛——黑色都被破壞！我已經忍唔住，驚到已經唔識再講野，只係一直喺度震，喺度喊。

「做咩啊？好驚啊？你應得架！你欺騙我！我得唔到既野，其他人都唔可以得到！」最後，佢連我既黑色bra帶都用刀整斷埋....然後佢將把生果刀慢慢移到我既面旁，斷估係想破壞我既容貌。我越諗就越驚，只係一路合埋眼...





陳啟明....救我啊！

「你條粉腸！」

我聽到「砰！」一聲，應該係有救星黎，我慢慢張開雙眼，睇黎神真係聽到我既聲音！啊明佢....終於黎啦！

「你條仆街！」啊明一直發動攻勢！一拳一拳咁抽落sam個肚，痛到sam將手上把刀都跌左落地。然後阿明再除左佢個口罩。

「哦～原來又係上次地鐵站嗰隻兵仔！叫左你唔好搞我女朋友啦！咁就唔好怪我啦！😡」最後，sam俾阿明打到暈左，然後再打電話報警。呢個啊明，好man...





「雯雯...你嚇死我啦！」阿明見sam暈左之後，就過黎，用強而有力既一雙手緊緊地攬住我。感受到佢既心跳，跳得好密好快。而我，已經驚到唔識得心跳咁濟...睇黎阿明佢真係好擔心我...

我仲係好驚，個身一直震緊。恐怕阿明黎遲一步，我都應該毀容或者俾人融左啦....阿明一直咁攬住我，我地咩野都冇講，但已經俾到而家最需要既安全感我。

大約過左10分鐘左右，阿明佢鬆開攬實我既雙手，然後開口。

「雯雯」

「嗯...?」我個人仲係好驚，好震，但阿明令我止住左眼淚既降臨。

「我唔想再見到你傷害...」

「多謝你...阿明。」啊明一直都咁樣攬住我，只有咁樣先令我感受到無比既安全感。

「所以，可...可唔可以比我守護你？」





「你既意思係...？」我輕聲咁喺阿明耳邊問。

「我既人生仲未搵到一個人同我一齊行去幸福站，而家我搵到啦。」阿明好溫柔咁講。

「嗰個人，就係你😊」

「阿明...」我又再次地流淚了，但今次，係感動所產生出來既淚水。

「我好想用自己既能力去保護你，守護你。可以比你一個依賴既膊頭。而我都希望你會喺我成為你既天使途中，你都成為我既天使。唔知你願唔願意，同我一齊行以後....」

「我願意！」呢個時候我已經感動到喊左出黎！然後今次到我用纖纖既雙手緊緊地攬實阿明。

「雯雯，我愛你」





「阿明，我都愛你」

今次係我「第一次被愛」。原來，係咁樣。然後亦令我得到一個答案。

未到最後一刻，我都會盡自己能力，學習去愛。同埋，回饋佢既「愛」....