(校園/純愛/籃球) 《我係插班生，我追緊一個冇人追到嘅女神》: Chap. 3 - 重新出發
首先上場的是灝楠。
「我進攻一般，捭你熱下身先，嚟啦！」
他接過呀鋒的傳球，正式開始比賽。他先做簡單的試探步，我有經驗所以沒有被他晃到。他見我沒有反應，放下戒心，打算一個crossover過掉我，我明明已經很久沒打球，但身體卻很誠實地伸出左手，一手把球拍掉，可惜我還沒有反應過來，被灝楠拿回球並重新組織攻勢。今次他選擇中距離跳投。他先做一個crossover打算把我晃開拉開距離，但動作比較慢，在他起手時我已經回到他面前起跳，並請他嚐了一個大火鍋（註：火鍋即是在對手投籃或上籃時直接阻擋球進入籃框的範圍內）。我愣了愣，原來我還有本能反應，看來我很快就能找回手感。
接下來是我的進攻，灝楠比我矮半個頭，我要過掉他還是有可能的。我學他一樣做了一個試探步，然後加速。他跟上了，用胸口壓着我手臂，想減低我的速度，我便立刻急停，他被我晃到差點就ankle break了（註：Ankle break即是把對手晃至失平衡而倒下）。他沒有倒下，只是失了平衡，我做了一個裝作投籃的假動作，他真的跳起了，我見狀馬上過掉他，並輕鬆上籃。可是灝楠沒有放棄，他追了上來，只是他沒有成功蓋掉我。我意外造成了一個And-one的進攻（註：And-one即是進攻方一次進攻中製造對手犯規並成功得分）。
灝楠擦着汗道：「估唔你咁好波！Next！」
呀鋒十分激動地說：「下個到我！」
我把球傳給呀鋒後開始比賽。呀鋒比較矮小，應該屬於速度型。果然不出我所料，他連試探步都不做，打算一舉把我過掉。我的確跟不上他的速度，唯有盡力跟上。當我以為他會投進時，他竟然衝得太快，用力過度，球打在籃板上然後彈走。我搶過籃板後輪到我進攻。
以呀鋒的身高和敏捷度，我沒頭沒腦地衝進去只會被他偷到球，所以我決定用背籃進攻技巧。我先背對着他，然後一步一步迫他到籃下。我不敢貿然投籃，怕他彈跳力強把我蓋掉，於是我用從高比身上學到得步法，拉開空間並裝作後仰跳投，把他晃起後順勢踏前一步放籃得分，再拿下一勝。
呀鋒：「你啲腳步幾靚喎！再練落去就嚟做得杏花邨大夢啦！」
下一位輪到呀文。剛才介紹過，他應該擅長投籃，換言之只要我防住他的外投，勝算應該頗大。我走到三分線附近，緊盯着他。他一開始打算用假動作騙我起跳。我故作被騙到，讓他過掉。果然他速度沒有呀鋒快，我跟得上並趁他上籃時恨恨地封板（封板即是蓋火鍋的時候球被防守者拍到籃板並彈走）。
我封阻後來不及搶籃板，被呀文搶到。他打算馬上起手，不得不讚的是他起手速度真的很快，我勉強趕上並用指尖把球蓋掉。我着地後馬上後跳搶到籃板，走出外線並投出一道三分球，腎上腺素分泌令我十分專注，連我平日命中率較低的三分球都能投進。隨着三分球應聲入網，比賽迎來最後的對手，呀龍。
呀龍不太會進攻，利用體型優勢作背籃進攻，可惜他太急進，魯葬地用後仰跳投把球投出，因為後仰跳投這招的動作令他跳得不高，我舉手就能影響他投籃。他投失了，我隨即搶過籃板，並再試投一次三分球，這回投失了，我趁呀龍還未反應過來時衝向籃板，成功卡位後，球就掉向我，我跳前一步把籃板搶到手並上籃得分。所有比賽結束。
灝楠開玩笑道：「你又話好耐冇打！講到自己咁渣，原來咁勁！你啲球技都冇你啲演技咁好，不如你都係參加戲劇學會啦。」
「其實我冇為意⋯⋯我本能反應做左啲咁嘅動作。」
呀鋒突然凝重地問我：「呢啲動作唔係只靠本能就做到，從你嘅步法我已經睇得出，你有苦練過，而且球齡唔止三年，係咪？」
「係⋯⋯其實我打過五年籃球⋯⋯」
呀鋒繼續追問我：「點解打左五年波唔繼續打落去？你資質唔差，應該好有前途先係。」
我低頭道：「我係打左五年波，我小三已經有學打籃球，而且去到中一，仲係以前間學校度讀嗰陣，我打過籃球隊。」
眾人聽了都一頭霧水，呀文便忍不住問我：「聽你咁講成件事都好正面，冇咩理由令你放棄，係咪屋企人要你專心讀書？」
灝楠搶着說：「冇奶油嘅，佢想追可琳佢屋企人都捭，咁明事理點會唔捭打波！呀然你係咪有啲乜嘢事，話捭我地知，睇下幫唔幫到你？」，看來我不說他們不會心息。
「我以前打校隊，雖然冇生得而家咁高，防守能力唔強，但係進攻方面我打得都算唔錯，所以練習嗰時球權都分捭我多。到打學界比賽嗰陣，啲大C （註：中一、二同屬C Grade隊伍，中二較年長所以稱為大C）開始唔中意，可能因為佢地覺得我細個啲，應該捭佢地表現多啲。
於是開始內鬨，最後仲四強都入唔到，班大C一輸波就即刻鬧我，話我獨食，又話我累到球隊輸波，我記得嗰時有句說話我到而家都仲記得。嗰個人係咁講：
『球隊就係因為你平時懶勁，啲人傳曬啲波捭你所以先會輸，你呢啲咁獨食嘅垃圾好心唔好累街坊啦，我係你就退隊唔好再打波啦！』
就係咁，我喊左成晚，怪自己累球隊輸波，最後都退出左校隊，冇再打波。所以今日係我第一次打返波。」
我一邊講，一邊強忍着淚水，最後還是流下男兒淚。
灝楠拍一拍我的肩膊：「過左去嘅事就由佢過去啦，你仲有我地，今年開始你就同我地一齊打，贏個學界冠軍返嚟！」
「我想考慮下先決定入唔入隊，可以嗎？」
校門快將關閉，我們的練習也要停止。
「聽日再練過！加油各位隊友！」
晚上⋯⋯
（叮叮～）
「喂呀然！」
「你係可琳？」
「係呀！」
她主動找我呀！！！！
「點解你有我電話嘅？搵我有咩事呀？」
「Group入面得一個人係顯示號碼唔係名，嗰個仲唔係你？冇呀，今日走嗰陣見到你打籃球，所以留低睇左一陣，你打得好好呀！連肥絲都讚你打得好呀！」
是我太笨還是可琳太聰明？何解在她面前我總是像在問愚蠢的問題？
「嗰陣原來你係度架！太專心練波冇留意添⋯⋯過獎啦⋯⋯我好耐冇打過波架啦，動作都仲係好生硬。」
原來可琳都在！早知如此我就表現出最好的一面⋯⋯太可惜了！
「哼！原來當我冇到！我仲見到呀鋒呀文呀龍同灝楠同你一齊係度練波，你地係咪諗住參加班際籃球賽呀？」
「對唔住呀⋯⋯我真係一時冇為意咋⋯⋯你唔好嬲啦⋯⋯」
「我講笑咋！我冇嬲呀～」
「嚇死我⋯⋯以為你真係嬲左我⋯⋯係呀，佢地仲諗住參加籃球隊，但係我仲未決定⋯⋯」
「點解呀？」
「冇咩特別原因架，我唔想之嘛」
「我覺得有啲嘢喎⋯⋯」
「好啦⋯⋯我講啦⋯⋯」
我把跟灝楠說的事跟她說一遍。
「原來你有過啲咁嘅經歷⋯⋯點都好，班際賽你要加油呀！」
「多謝！」
（係中意人就主動啲去搵人啦⋯⋯）
灝楠的說話突然在我腦海中出現⋯⋯
Sorry bro，要出賣你一次，但這對你都有好處吧～
「係呢，我地星期六、日會出嚟練波，灝楠其實中意左肥絲，不如⋯⋯你叫埋佢同你一齊嚟幫灝楠打氣呀！」
「都好喎～等我幫我班嘅人攞下情報，嘿嘿～」
「就咁話啦！」
----------------------------------------------------------------------------------------------------------
大家可以Like我FB同Follow我IG，會有最新資訊，歡迎各位PM我～
FB Page：若然
IG：@_ifulove_