點解我會變左做靚女架？: 13-女朋友

時間到左下一個星期，開始m痛。

好彩手機app有提我幾時黎m，如果唔係返返下學當眾流m都似。

有人話黎m既女人最易燥，我而家先明真係。

其實Carson同Jayden成日針鋒相對，我見到都覺得真係好煩。

我忽發奇想，不如叫佢地比賽，贏左既先可以繼續追我。不如就籃球比賽啦！





我：「Jayden，Carson，你地既然都知道大家係情敵，不如黎一場籃球比賽，邊個贏左就可以同我一齊啦。」

Jayden同Carson異口同聲：「好呀！」

到左午休，我地食埋飯就開始比賽。我同Amy都坐係隔離既木椅上，食住花生等睇戲，雖然我地都唔識打籃球。

Jayden同Carson係籃球場上首先搓下波先。

跟住Jayden既假動作進攻相當有效，一個急轉彎就搶到先機射籃，入左。





Carson都唔輸蝕，向後行，同Jayden保持距離，黎一個遠射，入左。

Jayden搶住進攻，而Carson一點鬆懈都無，mark得好實。因為呢場係決定邊個可以同我一齊既比賽。對二人黎講，都非常重要。

Jayden每入一球，Carson都緊貼住再入一球，步步進逼。打左十分鐘左右，兩個人都流哂大汗。

呢個時候，Carson露出一絲疲態，Jayden就係趁住呢一刻，搶先跑出射入一球，比賽結束，結果就係Jayden險勝一球。

Jayden微笑住向Carson握手：「願賭服輸呀。」





Carson不服氣地握住Jayden隻手：「你要好好對呀清呀，唔係我實打鑊你。雖然今次你贏左，但係你地散左既話，我一樣有機會。你同我記住啦。」



Jayden尷尬地行前問我：「你而家…係咪可以同我一齊啦。」

我臉都紅哂，吞吞吐吐咁答「係……係呀。」

Jayden：「好野！」一講完，就上前擁抱我。令我個心再次卜卜卜卜咁跳。

隔離既Amy見到呢一幕，竟然開心到拍手掌。

Jayden：「呀清，而家我應該點叫你好？叫bb好唔好呀？清清b呢？」

我一臉無奈：「叫返我做呀清啦。」





我之前發夢都無諗過，今日竟然會同男仔拍拖，唔通我真係變左做gay？

但係Jayden擁抱我既時候，真係會令我有心動既感覺嫁喎。

我明啦，應該係呢個女性既身體慢慢蠶食我直男既靈魂，令到我渣Katrina個波都無反應，居然同Jayden擁抱就有反應。

唔得，我同Jayden一齊只係應酬一下佢姐，過幾日之後我就搵個藉口飛左Jayden佢啦。

呢個時候，Jayden拖住我隻手，徐徐返入課室，好似一對新人步入教堂咁，全班嘩然。

Jason起哄咁話：「wu～我地班既男神同女神終於一齊啦！」

Katrina一見到就眼紅紅咁，同Mary衝左去廁所。







時間好快就去到放學，Jayden話想一齊放學，於是我地就拖住手放學。

佢話唔想咁快就拜拜，所以同左我去千色廣場度行，拖住手行商場，引黎唔少人既目光。

佢地應該係覺得兩個都係靚仔靚女掛。或者做靚仔靚女出街就會咁，成日俾人昅。

話說上個禮拜都有ｄ咁既情況，我搭緊西鐵返學啦，有個毒男走過黎問我：「小姐，我覺得你好得意呀，可唔可以留個電話號碼俾我呀？我地做朋友丫。」

我好無奈咁俾左個假電話佢就算，到站之後我都急急腳咁走。

不過最離譜都係上次個呀伯，一路係我後面行，一路拎住部手機影我pat pat，好彩有個義氣呀叔幫我揭穿佢，要佢del哂d片咋。

如果問我做靚女有咩唔好處，大慨就係呢ｄ啦，好容易就會成為人地既焦點所在，做咩都要就住就住咁。





我同Jayden話別：「我返屋企先啦。」

返到屋企，對住四面牆有ｄ悶，就係度諗野。今日係四月十五日，即係我做左女仔已經半個月啦。

以前幻想會覺得做一個美少女係件好爽既事，但之後體驗過又唔係真係咁爽，我想返去啦。

我打開一本講平行時空既小說，故事內容都係講主角跌落樓梯之後就去左第二個時空。

本書幾好睇，最後講主角點樣返返去原本既時空，就係跌落樓梯多一次。

嗯，我決定好啦，聽日就返返去原本既時空。