點解我會變左做靚女架?: 14-戀愛
翌日第二個小息,我照板煮碗咁係樓梯跳落去。
我:「好痛」,今次撞到個頭,但我無暈到。
唔得既?點解?我再試多次,「呀!」我痛到忍唔住大叫。
「喂!你係度做緊咩呀?」有把男聲係我後面傳黎。
我一上返樓梯就見到佢,又係個西裝男。
西裝男:「你係咪已經玩厭左做女仔既日子啦?」
我:「係呀,你係咪可以幫我。」
西裝男:「未得住,你有d野仲未做完。」
我:「咁係咩呀?」
西裝男:「同男仔認認真真拍一次拖。」
我:「咩料呀?我又唔係gay既,我先唔會……」
西裝男:「呢層,就由你自己去諗啦。」講完之後,西裝男再次憑空消失。
唔通,我唔可以就咁應酬下Jayden就算?一定要認真拍拖?
而且,究竟呢個西裝男係何方神聖?我點解又要聽佢既說話?
我返返上課室。Jayden一見到我就問:「你做咩整瘀左自己個頭嫁?」
我:「無呀,我唔小心跌親姐。」
Jayden:「乜咁唔小心呀,呵返呵返。」Jayden摸住我個額頭講,原本俾人摸下個頭都幾舒服。
Jayden幫我按摩個額頭,俾Jason見到。Jason:「唔好放閃啦,Jayden哥,你叫我地呢d單身狗情何以堪呀?」
我笑一笑,篤一篤Jayden個肚:「哈哈,話你呀,Jayden哥。」
呢個時候,班主任Miss Chan過左黎巡房,見到我同Jayden糖癡豆咁樣就黑住臉過黎。
「校規唔俾同學咁親密嫁喎,你地知唔知呀?」Miss Chan問。
我:「唔知呀。」
Miss Chan:「你唔知就同我記住,下次見到咁樣,就罰你地停課嫁啦。」
我:「哦。」
跟住我地都散場,返去自己位度坐。
日頭就同Jayden糖癡豆咁,夜晚就同佢玩Whatsapp。
我:「我想訓教啦。」
Jayden:「早抖啦,bb。」
幾乎每日都係咁,朝早講早晨,夜晚講句早抖。
每一日既第一句說話同最尾一句說話都係同心愛既人講,真係一種幸福黎。
唔知係咪日久生情,我覺得…我真係愛上左Jayden。
好想擁抱佢,好想拖住佢隻手行街。不過就黎放復活節假啦,未必日日都有得見。
呢種心情,係咪就係所謂既「掛住」佢呢?
我唔清楚,但係原來有人愛係一件好幸福既事,即使同我一齊既係一個男性。
或者係愛既面前,性別已經唔再重要?
我唔知我同Jayden可以行到幾遠,但我enjoy同佢一齊既每一日。
復活節假終於到左,Jayden約左我去海水公園玩。