一個 2019DSEer 的心情日記: 12-11-2018

11月12日 還有137日

各位好耐無見，請原諒我而加先黎打字，雖然聽日有bio+中史test，不過總係覺得事情隔太耐就會過氣，所以先會打字。

上個禮拜淋巴腺發炎，病左幾日，所以無打文上黎...之前大病係一個月前，真係都幾密下，可能要開始注意下自己d作息時間。

呢個禮拜都無咩野事，都係test lor，test到你同我講聽日有test我都覺得係好小事。

值得一提係上星期六去左銅鑼灣某名校聯校練中文oral，原本以為終於可以係其他老師黎評，點知係教自己嘅中文老師，我心裏面打左個突，因為自己之前練嘅時候一向1+1，而且佢永遠都係俾9以下嘅分數我，咁1+1必炒蛋，我都明，但係重要嘅係佢勁講邏輯，對於我呢d個腦亂到一pat屎嘅人係絕對嘅剋星，所以我完全淆哂LOL。如果係其他老師反而無咁大壓力...當然最後佢評我4+4，我又又又肥左，最記得佢講左句：絲毫沒有長進，走呀！





後黎聽到其他同學話6+6呀，對面d老師亂咁俾...我有一刻係灰左，不過想深一層，而加俾得嚴，迫自己面對現實，好過將來dse遇到個好似我老師咁嚴嘅marker，先發覺原來之前俾得高分嘅practice係垃圾。咁無可厚非，我老師係絕對一位超嚴厲嘅好老師黎，我絕對唔覺佢會勁開心咁俾自己學生一個炒粉嘅分數。所以，痛苦只會令我變得更堅強(wtf?)

順帶一提，聯校嘅隊友好carry，因為oral個題係考LS野，其中一位隊友有背數據，例如咩香港排第幾，我相信佢LS應該幾掂。後來我想下想下，原來LS係要背data架咩？點解自己一直無諗過...佢可以話係俾左我一個溫LS嘅方向，所以我真係要多謝佢。

好啦，時間唔多，講番今日，今日派左校內試時間表，講真我收到嘅時候真係嚇左一跳，望一望錶，原來已經差不多12月，時間真係過得好快，距離DSE又近左...然而我d野仲未溫得夠熟，呢一個月應該辛苦d啦，狀態要返哂黎先得。

呢個moment，我要爆啦。

（21：12）





btw，上上個禮拜因為有感而發，在紙言短篇po左篇文，{del}星期六日無哂，後面d bio 中史test開通頂{del}，大家得閒就睇下啦！
《給爸爸買一雙鞋》
https://post.shikoto.com/posts/170384