一個 2019DSEer 的心情日記: 01-11-2018

11月1日   還有148日

今日依舊係例行嘅中史test，一日一中史test，強健筋骨身體好。

放學即衝駱克道自修室操左份2017 eng paper1 pp，然後銅鑼灣補數補到十點，翻到黎已經11點，聽日仲繼續係中史到中文quiz...

其實本來我今日唔諗住打字，但係因為我有件事做錯左，想喺度道個歉，或許會令自己安心d。

話說銅鑼灣廣場電梯壞左，咁啱有幾位老伯伯好辛苦咁撐住柺杖，一級一級咁落電梯。嗰時我唔知發咩神經喺到到班frd笑佢地笨拙嘅步伐，雖然幾位伯伯都聽唔到，但係我相信聽到我地對話嘅人都會覺得好難聽。後來我等下巴士，冷卻哂成個人，先發覺我可能唔覺意親手傷害左一個人。





係，我想喺度向我唔經思考，衝口而出嘅魯莽之言道歉。或者你地睇唔到，我當然希望你地睇唔到，聽唔到，但係講左出黎，起碼對自己有個交待。你可能會覺得我CLS，咁小事都要公開道歉。

如果你真係咁諗，你不如試下代入佢地嘅處境諗下，如果你聽到我地咁講，你會有咩反應？而且你終有一日會老，呢d事點都會遇到次。最基本就係己所不欲，勿施於人。

再深d，推己及人，佢地係活生生嘅人，經歷過大風大浪，尊嚴點都會有，佢地需要嘅係社會嘅關愛同尊重，因為佢地曾經貢獻社會。而呢d言語就好似話佢應該早死早走，點會唔hurt？

其實，除左道歉之外，我想講嘅係，言語係一把無敵嘅殺人兇器，殺人於無形，無從可防。話唔定你一句開玩笑，無心之失嘅話，會成為摧毀別人心智嘅最後一棵草，耿耿於懷。所以出口之前，你要考慮究竟你承唔承擔得到玩笑背後嘅惡果，究竟你負唔負得起玩笑過後嘅責任？

我不嬲唔想傷害人，因為曾經俾人傷害，所以更加知道言語嘅威力。你話我CLS都好，天真又好，我討厭自己手起刀落，一副屠夫嘅形象。





總之，真係對唔住，祝你地長命百歲啦！

溫！書！

（00：06）