火花不等人: COURT ORDER

「你邊位搵佢？」我是誰？這世界已經有種技術叫來電顯示呀白痴，你接電話前沒有看到嗎?你看看來電顯示上是寫著陳政吧？Michelle沒有跟你介紹過她前度的名字啊？還是我的來電顯示名稱己經不再是陳政？叫Richard還是Robert？姓張姓蔣還是姓歐陽？甚至一早已經從聯絡人名單中把我的名字刪除了，所以你只看到八個位的電話號碼？總而言之，只不過是幫忙接電話的你有何資格問我的身份呢?
「哦，咁無嘢喇，唔該。」何解我會道謝？
「洗唔洗等佢沖完叫佢打翻畀你？」原來你是Michelle秘書？
我沒有回答，直接收線。

完了吧，如無意外。

想不到我的自虐行徑收到一個比預期更有效的結果，我現在可以更沉醉在痛苦中，取得了下地獄的通行証，那裡的風景一定很淒美，我急不及待，馬上出發。

當我扣好安全帶之際電腦不識趣响了一下，MSN的聲音，有人加我為好友。



邀請人是Chloe。

邀請訊息是「COURT ORDER」。

====================================================

「食咩好呢？」
「扮乜鬼睇餐牌啫你，睇嚟睇去你咪又係食牛。」袁頌婷是正宗的牛魔王。
「咁牛都有好多選擇嘛‧‧‧‧‧‧你幫我諗喇‧‧‧‧‧‧」


「唔係西冷就肉眼咖喇。」
「喂呀！」
「不如肉眼喇法官大人。」如果我有電話恐懼症，袁頌婷就有選擇困難症。
「好喇就肉眼喇，喂MSN係唔係收咗皮喇？」女仔之家學人講收皮。
「係呀，好耐喇喎。」
「喂呀，我無back up啲History呀！你有無呀？」
「無喎。」
「無本心咖你個人真係！都唔重視我地嘅對話！」
一切在心中，又何須備份？



====================================================

「Hi Chan Ching~~」
「Hi」
「做緊咩呀？」
「hea」
「哦‧‧‧」
‧
‧
‧
‧
‧
‧
「仲有無memo紙？」
「無喇。」


「哦‧‧‧‧‧‧」
‧
‧
‧
‧
‧
‧
「我係唔係阻住你呀？」
看到這袁頌婷這樣問，我心生內疚，暗駡自己的不當。

既然接受人家的邀請成為好友，又保持在線，又告訴她自己也是在hea，卻這種態度跟人家對話，就算只是文字，相信對方都感受到我的敷衍。