「短篇」「小小傻瓜，大大幸福」: 不安

我：「Hi…

」

我見到佢之後第一樣做既野就係迷迷幻幻咁同佢打左聲招呼，而佢既反應就係「唉」左一聲，好似無我收咁。

Cherry：「又唔返工呀你？

」

我：「嘛…反正今次接返黎既Job唔係我負責，我又廢事返去阻住佢地做野所以咪唔返囉。

」

我既自辯睇黎過唔到佢既審批，佢開始黑起塊臉，仲叉起腰啤住我。

可憐既我就只可以攬住係我旁邊既相簿去獲取些微既安全感，準備迎接佢既怒火。

令人感到意外既係，佢見到我懷中既相簿之後居然收起左殺意，轉而用一個好好奇既目光望住我。

Cherry：「咩黎架？

」

我：「無…咪結婚相簿囉…」

Cherry：「哦？又會突然咁好興致拎出黎睇既？坐開D啦，我地一齊睇。

」

我：「哦…好呀。

」

我一時之間都唔知點應付佢呢個超級大反轉既態度，唯有傻傻咁移開，俾佢坐係我旁邊。

之後佢又真係打開本相簿，好似頭先既我咁係度睇相，仲睇得好開心，笑容滿面，完全唔似頭先嬲過黎。

而我呢，就只係係佢旁邊呆呆咁望住佢。

望左唔知幾耐，佢終於都出聲。

Cherry：「望夠未呀。

」

我：「呃…Sorry一時之間就…」

聽到我咁講，佢即刻抬一抬起頭，望住我，笑左一笑就合埋本相簿。

Cherry：「好喇，等我換件衫之後就出去喇。」

佢講完就放低左本相簿，摸摸我條頸之後就行左入房。

啊…我做乜會成個人呆左架？

不過今日既Cherry…好似有D奇怪？我諗我之所以會呆左都係因為佢奇怪既舉動啦？

話時話，點解佢會係呢個鐘數返黎既？佢今日放半日咩？