[穿越] 執房嗰時搵返部Sony Ericsson推蓋手機: 41.

因為場地租用到下午二時為止，老師開廣播叫同學離開運動場範圍。我們就在出口附近位置，商討去向。

「我同琪姐諗住去陽光網絡跑返幾場先，求其食啲野就算，有無人join？」

即使周圍人聲鼎沸，我們中間還是一片沉寂。琪姐心領神會，說聲再見便拉走臉上寫着「期待」二字的謙少。

「我...咳咳...有啲攰喇，真係要...抖抖。」

我們紅社拿了啦啦隊大獎，清清也搏盡無悔。允健見狀，便陪她一起回去，說是吃點粥，清淡一點。





最後，只剩下我和卓行面面相覷。

「雞蛋仔、格仔餅、冷麵、章魚燒？」

「你請嘛，行啦。」

就這樣，我們來到星期五來過的商場，逛了一圈，每人拿着三、四袋小吃，便在附近的公園找個位置坐下「開餐」。

「陸運會真係好正好青春啊！」





「仲好興奮咁喎你。」

「因為係bonus黎，所以我好珍惜依家渡過嘅每分每秒。」

「你講野越黎越玄。」

「哈哈，你唔洗明，係啊我真係好興奮！」

說罷，我偷走卓行一粒咖喱魚旦。





「傻傻地，明明你咩都無參加。」

他也夾走我一個燒賣。

「雖然我無落場跑，但大家都落力嗌加油真係好正，係氣氛啊！」

「我仲以為你同Jessie佢地傾計多過睇比賽添～」

「我唔否認，哈哈！但氣氛嘅野，嗰一刻就係永恆。」

格仔餅的醬從左右兩邊漏出來，老闆娘沒騙我，「爆醬格仔餅」果然名不虛傳。此刻的我有點狼狽，雙手都沾了奶醬，還有點滴在運動褲上。卓行立刻遞上紙巾，同時幫我抹掉污積。

「小姐你係咪漏口㗎？食好啲啦好核突啊！」

「Sor太多醬喇，你有冇水啊？借我濕一濕。」





他拿出水樽，剛好剩下一口水，讓我弄濕紙巾擦一擦手。

「借左要還㗎喎。」

「無聊，幼稚。」

我裝作反白眼的模樣，他只是輕輕一笑，便拿走垃圾，走到不遠處的垃圾桶扔掉。

「唔該晒～有帶紙巾，好男人喎～」

「咁你一定唔係好女人。」

我打了他一下，他只回我一個意義不明的微笑。





「行啦，返去喇。」

我們沿着小徑走到車站，從遠處就看到兩個熟悉的身影。

第二次。