個呀晴正同成哥雙手牽住咁話, 「成哥, 咁我而家點算呀?」 成哥同個呀晴講, 「妳放心啦, 呢, 果個叫做呀龍, 係我個伙記黎架, 呀龍呢幾日就會留響呢度陪住妳, 到時如果有咩事嘅話, 呀龍就會響度睇住妳架嘞!」
 
唉, 睇見呢對苦命鴛鴦正在難捨難離, 而我個心就響度咁諗, 走啦成哥, 呢度無你嘅事嘞, 你都係快啲番屋企吧啦, 你老婆而家好惡咁等緊你番去架。
 
呀晴再同成哥講, 「成哥, 咁你會唔會有事架?」
 
成哥搖一搖頭就話, 「放心, 我會無事嘅, 總知有咩事妳就同呀龍講, 我老婆果便我會搞得掂架嘞!」
 
「成哥……」
 


「唔好咁樣啦, 我要番去架嘞, 呀龍, 呢幾日你就幫我睇住呀晴佢先嘞!」
 
成哥終於都走左, 屋內, 我正同呢個呀晴四目交投住, 呀晴正微微耷低頭咁嗌住我, 「龍…..哥….」
 
而我就當佢係 QR code 咁不停地掃住起黎, 正, 果然真係堅係正, 而家我先睇得真, 原來佢心口都有啲渣拿咁喎, 對腳又夠長, 而個西窿又比成哥入過, 總知成個人簡直就令人一見就心軟周硬, 咁又難怪忠直嘅成哥都會衰響佢手上。
 
我同佢講, 「放心啦呀晴, 成哥佢唔會有事架!」 但呀晴同我仲係好見外咁, 見佢緩緩咁坐低響張梳化度就話, 「我真係唔知會搞成佢咁, 如果我早知會係咁樣, 咁我就唔會同成哥佢……..」
 
我又行埋去坐響佢身邊度講, 「大家都唔想嘅, 但事情既然已發生, 就睇吓成哥佢點樣氹番掂佢老婆先算啦, 但而家最緊要嘅就係先顧掂妳自己, 因為成哥都好擔心佢老婆會上黎呢度搵妳架!」
 


呀晴聽倒我咁講之後, 跟住就好驚咁話, 「龍哥, 我真係仲有啲驚呀!」 我放膽搭住佢個膊頭黎講, 「放心, 有我響度唔使怕, 成哥佢同我講左, 話叫我暫時留響呢度扮住係妳男朋友先, 咁到時如果佢老婆真係上到黎嘅話, 一切就由我黎同佢老婆解釋就得架嘞!」
 
呀晴斜斜咁望住我, 見佢比我充滿住愛心同安全感嘅眼神好似有所感動住咁, 跟住呀晴就微微點住頭就話, 「咁好啦, 希望成哥佢會無事就好嘞!」
 
呢個時候, 我終於都有閒起身望吓間屋嘅四周環境, 間屋唔算係好大, 而望落最多就只得果二三百呎倒左右, 但就有一間房響度, 而房內張床似乎就係成哥當日搞人個西窿之地。
 
我再四圍咁行住, 見咁細嘅地方都仲有一個廚房同廁所響度, 窗外望住彌敦道, 但最吸我睛嘅就唔係窗外呢個咁靚嘅街境, 而就係響窗邊浪衫架上呢堆呀晴嘅花邊胸圍同底褲, 頂你個肺吖, 兜兜誘人, 個個有 cup, 真係唔望到人鳩都硬哂都唔得。
 
我繼續扮望住窗外嘅街景, 但就響呢個時候, 我個肚突然就正發住姑姑響聲, 係喎, 我今晚都仲未曾食飯過喎, 我擰轉身同呀晴講, 「係呢, 妳食左飯未架?」 但見坐左響地上嘅呀晴, 正一面純情對我溫柔地講, 「未呀, 我諗住晏啲先至自己煮個麵黎食咋!」
 


我同佢講, 「啲即食麵食得多無益架, 黎, 唔好屈住響間屋度嘞, 等龍哥帶妳出去食左飯先, 跟住我再同妳去附近嘅廟街度行吓咁啦!」
 
呀晴聽倒我咁講, 面上即時露住歡欣喜悅嘅表情出黎。
 
呢一晚, 我帶左呀晴去左附近一間比較高級嘅餐廳度据扒, 而呀晴睇黎對響呢啲地方度食飯感到好新奇咁, 見佢据扒都要問人地攞筷子, 跟住我就叫佢用刀叉食唔好失禮死人。
 
据完扒後, 我同呀晴似乎已經比較熟絡左啲咁, 呀晴好開心咁同我講, 「龍哥, 啲牛扒真係好好食呀, 我咁大個女都未曾食過啲咁好味嘅牛扒架!」 我微笑住咁望住佢講, 「妳鍾意嘅下次我咪再帶妳黎食多次囉!」 呀晴聽到之後係咁點住頭話好。
 
同呀晴一齊行過去廟街方向, 廟街內, 四處燈火通明嘅排擋, 而各式各樣嘅新奇貨物就睇到呀晴正在目不下昅, 突然, 呀晴好興奮咁拉住我手臂黎講, 「龍哥, 你睇吓, 個公仔好得意呀!」
 
超, 呢啲咁嘅撚屌垃圾公仔香港人邊會睇得上眼架, 但為博紅顏一笑, 跟住我就同呀晴講, 「妳鍾意嘅我就買個送比妳啦!」