【校園】現實與平行時空的愛情故事: 第十章 - 初戀的回憶-10 ( 後悔 )
- 第十章 - 初戀的回憶-10
有人話「曖昧是最美好的一刻」
大家應該好好享受。
可惜每一段關係始終都會有終結既一刻。
我地係呢段關係持續左兩個月左右。
又或者係我單方面覺得咁諗。
大家可能突然會諗, 上一章我所提及到另一個歌唱組員阿全究竟對我地有咩影響?
其實當佢加入黎既時候。
我已經感覺到佢對詠珩開始追求。
係一個情敵。
不過當然無咩明爭暗鬥。
只係我同詠珩之間既角力。
當然佢最後係慢慢離開。
講返正題。
好快就到左歌唱比賽。
評判只係學校既幾位音樂老師。
由於呢首歌「心領」有分前後兩段合唱。
於是阿欣同阿全唱前半段, 我同詠珩唱後半段。
所以係一個好好既分配。
好興幸評判比我地四個人唱哂成首歌而無叮走我地。
可惜既係未能進級決賽。
而歌唱比賽在此完結。
即使歌唱比賽完左, 但我地都有傾電話。
只不過無傾得咁密。
不過就會傾得夜少少。
本以為呢段關係仲會繼續落去。
等到覺得合適既時候就表白。
可惜係呢個時候我地既關係要改變了。
突然係佢口中得知佢要拍拖了, 同一個大兩年既師兄拍拖。
我立即灰左。
完全灰哂。
生活得無哂色彩。
我無恭喜佢, 只係覺得點解唔係我?
或者係我欠缺勇氣表白。
所以先導致咁既後果。
好後悔唔早少少比勇氣出黎表白。
或者呢段關係同佢一齊既係我。
好後悔!
真係好後悔!