【校園】現實與平行時空的愛情故事: 第十七章 - 初戀的回憶-17 ( 一個改變人生的計劃-3 )
- 第十七章 - 初戀的回憶-17
話咁快考完試又到暑假。
當然有時間就立即同詠珩去街。
而A樂園既舞台劇演出都開始正式綵排。
當中有一段自己既演出。
而最後我選擇左唱歌去表達我對詠珩既愛意。
另外我都係其他地方都參加左舞台劇既演出。
所以成個暑假都將會好忙下。
差唔多基本上每日都要綵排。
的確舞台劇係會有另一方面既我出現。
比人有另一種既感覺。
一種自信同CHARM既感覺。
會同真實既我有所唔同。
我比較中意舞台上既我。
一個中意演出去表達自我既感覺。
曾經有人問過我「做戲, 唱歌定愛情, 你會揀邊樣?」
果一刻, 我真係答唔到呢個人。
我自問我係自私想擁有哂三樣野。
但如果知道結果既話, 我會選擇到。
結果有點瘋狂綵排同練出既我就好忙碌咁過左中三既暑假。
而詠珩呢?
事實上我可能不經意地冷落左佢。
印象中成個暑假有成兩個月。
而我同佢就好似見得兩次面。
仲要係短聚。
回想返起, 我自己都覺得太離譜。
由於上中四要再分班, 仲要係用英文分班。
自問英文成績麻麻地, 所以最後詠珩去左A班。
而我就去左B班。
最後, 係呢一個暑假既幾個演出, 詠珩一個都無去睇到。
感覺上我好似白廢左我既努力。
因為舞台劇, 我認識左好多朋友。
因為舞台劇, 我變得外向左, 比較識得同人相處。
但亦因為舞台劇, 我冷落左我女朋友。
唔知點解, 可能因為大家溝通少左, 同佢之間既距離好似亦都大左。
以前我地會傾電話傾到好夜好夜, 夜到訓著左都唔知。
日傾夜傾。
但依加傾電話少左。
雖然都會用MSN或者SMS傾計。
但係就FEEL到關係差左。
唔通係熱戀期已經過左?
有人話「創業難, 守業更難」。
我相信愛情一樣可以應用呢一句。
我唔希望因為關係冷淡而分開。
我唔想! 一點都唔想!