【校園】現實與平行時空的愛情故事: 第十八章 - 初戀的回憶-18 ( 分開? )
- 第十八章 - 初戀的回憶-18
2009年 – 中四
中四又係一個新學期既開始。
呢一班同學多左好多新面孔。
但係舊有面孔都仲係到。
本身中三同班既女同學大部份都去哂A班。
而男同學就大部份係我呢一班。
因為咁既情況, 導致A班男女比例有點嚴重失衡。
A班男生只有6,7個, 而女生有30幾個。
而我地B班大約一比一。
可以留返係到而認識既女生就只有阿桶同阿飯。
男生就基本上同上年無異。
可惜既係唔可以同詠珩一班。
好想可以上堂一直望住佢到落堂。
真係好想。
因為我地係第一班DSE學生。
所以制度都唔同左。
由舊制既文科, 理科同商科。
變為選修科。
我呢間學校就比學生揀兩科選修科。
而我揀左最好最有興趣既兩科 – 物理同化學
又咁岩詠珩就揀左物理同會計。
所以我地只有物理堂可以一齊上堂。
開學以黎我都依舊接詠珩返學放學。
照舊坐係果一張凳到等佢返學。
有一日佢話想同我睇中秋節花燈。
所以我就約定同佢一齊過。
因為之前我都係同自己班男生一齊渡過中秋節。
好快就到左我生日。
我地本身約定好一齊食午餐。
因為平時佢都習慣返屋企食飯。
所以我地去到附近一間茶餐廳食飯。
然後就等待放學一齊約定好去沙田玩。
但因為我個人好攰, 唔知係病病地定唔夠精神。
所以我最後話返屋企休息。
而我亦都送埋詠珩返屋企。
返到屋企就好快訓左。
訓醒之後就見到一個SMS。
一個失落既SMS。