【校園】現實與平行時空的愛情故事: 第二十章 - 第二次的戀愛-1 ( 序 )

- 第二十章 - 第二次的戀愛-1 序

過去左既已經過去。

 
初戀亦都變成曾經。

 
詠珩係我人生中一個好重要既人。



 
一個令我成長既人。

 
令我學識去愛人, 對待人。

 
佢既離開係教我要好好珍惜現在。

 


或者新既愛情可以作為替代?


…………………分隔線…………………

 
當升上中四。

班主任又改左。



係一位之前教過我視覺藝術既老師 – MISS李

黎緊呢三年會教我地英文。

之後我亦都幫佢搞左個英文既團體。

負責用英文做主持同拍攝。

由初初十個人做幹事, 到最後得返我同另一個同班女仔。

過去三年出現過既吳SIR, 除左中二果年教我木工堂之外。

即將會係未來三年又教返我數學。

真係一個陪隨成長既一位老師。



事實上, 佢的確係一位幾好既老師。

講得笑, 玩得埋。

唔記得中二定中三果年。

我開始稱呼佢為「靚仔」。

因為佢姓吳, 所以我叫佢做「靚仔」。

亦因為呢位「靚仔」。

我係校內拎唔少數學既獎都多得佢間接提攜。



因為我既成績超卓, 所以每年佢都會揀我去做國際考試 – 新南威爾斯?

每次都有超好既成績。

所以每年畢業禮都需要出席攞獎。

亦都有時帶過我出去代表學校參加比賽。

總算係拎過獎。

最後教我地班中文係一位新黎既老師 – MISS陳

一位為人好好既老師。

有時知道我地其他科多功課既時候會突燈將佢既功課遲少少交。



亦有一次上中文堂既時候, 唔知因咩事。

佢就彈左一句「4B你地好無恥呀!」

自此之後, 我地班就多左一句金句「4B精神, 無恥過人」。

的確, 中學既時候真係好多回憶。

不可忘記既回憶…