- 第二十一章 - 第二次的戀愛-2

2009年 – 中四

由於班主任MISS李提出每年一人一職。

意思係指每一年每個學生都要負責一個職位。

當中唔少得, 男女班長, 各科科長……



而我就派到做一個壁報設計組組員。

壁報設計組意思就係壁報設計。

其實就只係為左聖誕既壁報設計比賽。

贏左唔知有乜野。

總之就要鬥。



當然壁報設計唔係一個人可以做到。

所以呢個壁報設計組有四個人, 包括我在內。

而另外三個分別係阿名, 阿美, 沛珩。

當時我知道有人又係有個「珩」字。

我心諗「有無咁橋呀?!」



一個幾冷門既名會出現兩次。

介紹一下佢地三個。

阿名 – 一個幾高幾運動型既男仔, 大概有180。

阿美 – 完完全全一個女性既外表, 男性既內在既一個女生。講說話唔似一個女仔,粗口橫飛, 行為都唔似一個女仔。唔太高有點瘦。但係唔知點解佢係一個兼職模特兒。百思不得其解。

沛珩 – 一個算靚既女生。但係初初感覺係一個幾串既女仔。因為之前中二中三見過佢幾次, 佢身邊都有一個肥肥地唔靚既女仔跟住佢。

有時有緣真係無得解。

話說有一日係面書見到一個熟口面既女仔。

於是就加左佢好友, 問佢係咪某某(出面劇社既朋友)?



佢話唔係。

跟住我就立即睇下佢之前既相。

原來係我認錯人, 佢其實係沛珩。

因為我呢次認錯人, 令到我同沛珩就真係認識左。

之後我同佢開始係面書傾計。

我地傾計既方式比較特別。

我地會直接係對方既頁面直接留言。



結果就互相洗板。

其實當中夾雜唔少無聊野。

又或者專登洗板。

自此之後, 我地傾計都傾多左。

唔通下一個就係佢?