【校園】現實與平行時空的愛情故事: 第二十二章 - 第二次的戀愛-3 ( 曖昧? )
- 第二十二章 - 第二次的戀愛-3
「曖昧」往往係由朋友慢慢演變而成。
不過有時候可能只係單方面覺得「曖昧」緊。
事實係我同沛珩傾計多左。
而當時智能電話仲未流行。
所以極其量只係用SMS黎通訊。
另外壁報設計亦都開始了。
每一日我地四人都會放學留低設計壁報。
當然負責設計工作就留比本身有藝術細胞既女生。
粗重工作就留比我地兩個男生。
有時候需要到附近商場既文具鋪買材料。
所以多數都會係我同沛珩出去買。
自自然然感覺上又好似更加熟絡。
佢曾經話過對我既印象。
佢話當時仲未認識我, 只係見過我既舞台劇演出, 佢覺得我好假。
當然最後識落就無咁覺得啦。
的確舞台劇上係戲假, 但表達出黎既係情真。
果一刻我估唔到佢之前有留意我。
係傾計期間, 佢講到佢放學會去補習。
而補習既地方就係我屋企樓下既屋村商場入面。
咁我就提出一齊放學既意見。
而佢都好快就應承左。
可能一個人放學感覺上比較孤獨。
反而多一個人一齊放學會開心好多。
起碼放學都唔洗靜靜地返屋企。
而係傾下傾下計就返到屋企。
由於我地兩個越黎越熟。
雖然成日都傾埋無聊野。
但係係幾好傾既。
傾傾下就會上堂傾。
雖然我地唔係坐係附近。
但係就成日傳紙仔。
我都唔好意思騷擾到其他同學。
慢慢我地都算成為左好朋友。
而我都開始知道佢出面有一個男朋友既存在。
雖然我係對佢有好感。
但我唔想去影響佢同佢男朋友既事。
直至到有一日…