- 第二十三章 - 第二次的戀愛-4

「機會」往往係留比準備好既人。

 的確我自問我忘記唔到詠珩既離開。

 所以我只好用新既愛情替代佢。

 



…………………分隔線…………………

直至到有一日我同沛珩放學一齊走。

我送佢去到補習社之後。

佢SEND左一個SMS比我。

內容係話佢同佢男朋友分左手, 問我可唔可以做佢一日男朋友。



我知道機會黎了。

我立即回應佢。

「我唔想只係做你一日男朋友」。

於是我就自自然然變左佢男朋友。

雖然佢可能只係當我係水泡。



但其實我可能都係當佢係水泡。

佢每一日放學之後都會去補習。

每日佢都會補習補到八點或者九點。

而我就會食完飯扮不經意落街跑下步。

跑完步就可能係佢補習社門口望一望佢。

間唔中佢見到我既時候會出一出黎。

同我傾下計, 請下我食糖。

有時候我會借意拖下佢隻手。



不過佢好快就縮手。

唔知點解我地由頭到尾都無係放假既時候約出街。

回想起都覺得莫名其妙。

由於佢本身數學既成績都幾差下。

基本上每次測驗考試都只會有個位數字。

所以有見及此, 吳SIR就派我係上數學堂既時候私人教授佢。

的確佢唔係一個讀書既好材料。



所有野都好似差唔多要由中一開始教起。

甚麼1米等於幾多厘米, 佢都係唔識。

我終於見識到咩叫蠢人。

佢係一個好好既例子。

雖然佢蠢, 但佢都唔算懶。

不經不覺佢對數學終於開始有所認識。

係終於!

因為要私人教授佢數學, 所以就令到我地坐埋一齊。



好記得有一次, 佢係本練習簿上寫左「許凱楓係我男朋友」。

印象中好似第一次見佢寫字寫得咁可愛。

呢一種可愛而霸道既一句說話的確令我印象深刻。

有時候佢會問我, 佢同詠珩有咩分別。

佢係知我同詠珩拍過拖。

佢亦都幾在意我眼中既詠珩。

不過我都只係HEA答佢。



因為係我心目中, 詠珩係無可替代。

無人可以替代佢。