【校園】現實與平行時空的愛情故事: 第二十四章 - 第二次的戀愛-5 ( 曾經的回憶 )
- 第二十四章 - 第二次的戀愛-5
「回憶」係過去左。
曾經發生過既事只可以回憶。
…………………分隔線…………………
由於中四既體育堂開始教跳舞。
而中四唔知因咩事要同另一班一齊上堂。
結果我地B班要同A班一齊上堂。
又由於我地學既係跳CHA CHA。
要搵一個拍擋。
所以我同沛珩就一齊跳。
而考試都係用呢個組合。
或者聰明人係學野學得快, 蠢人可能真係學得慢。
我係前者, 所以我好快就上手。
至於沛珩係後者, 學得真係比較慢。
所以我地都係放學後抽少少時間練習。
練下練下佢終於開始上手。
亦好快就要考試。
由於兩班加埋人數都差唔多八十人。
所以考試就每次跳舞就有四組人一齊考試。
未輪到我地考試既時候就睇下其他人跳舞。
當見到詠珩跳舞既時候, 我都有望住佢跳舞。
當沛珩好似意識到我望住詠珩既時候就立即問我。
係咁問我有無望住詠珩。
我就算有望都當然點都話無啦。
果一刻佢應該係呷醋。
突然間覺得有種開心既感覺。
有人為左我而呷醋。
結果我都哄左佢好耐先無嬲。
之後又好快音樂考試。
老師叫我地揀首歌黎唱。
可以同其他同學一齊唱。
所以沛珩就搵左我同佢一齊唱。
印象中係佢揀左一首「沙龍」黎唱。
當然我作為醫生陳既歌迷係成日聽到呢首歌。
而我地兩個都練左唔少時間, 應該係為左佢要練唔少時間。
最後都係我去CARRY住佢去唱哂成首歌。
自問有少少音樂才華既我, 我依然都係係音樂科上拎A。
不過我唔知佢最後拎咩成績。
我同沛珩既關係都唔錯。
雖然未拖過手, 未錫過。
不過有種被佢擁有既感覺係唔錯。
直至到又有一日…