【校園】現實與平行時空的愛情故事: 第二十五章 - 第二次的戀愛-6 ( 導火線 )
- 第二十五章 - 第二次的戀愛-6
每一件事都可能因為「導火線」引起而發生事端。
本來一段關係可以好好都可能因為「導火線」而發生變異。
…………………分隔線…………………
每一年學校都會有一日作為旅行日。
直至到呢一日…
今次旅行日既目的地係長洲。
於是學校既集合點就係中環往長洲既碼頭集合。
係碼頭附近有幾張長凳。
而我就係某一張長凳見到兩個熟悉既面孔同兩個陌生既面孔坐埋一齊。
果兩個熟悉既面孔係阿美同沛珩。
而另外果兩個陌生既面孔都係男生黎。
佢地都搭住阿美同沛珩既膀頭。
無估錯就係佢地兩個既男朋友。
係沛珩既男朋友, 但對象不是我。
原來對象的確唔係我。
或者咁樣我就被沛珩當做水泡。
果一刻我的確個人好灰。
佢地就將旅行日當拍拖。
而我就孤單一個。
最後去到長洲之後就周圍行下。
行行下撞到阿桶, 阿飯, 阿琪。
佢地知我同沛珩曖昧緊。
只係唔知我地叫做曾經一齊過。
係曾經。
而佢地亦都見到佢帶埋男朋友黎玩。
所以都知道我唔多唔少都有唔開心。
之後我地幾個就去左海邊傾下計, 食下紅豆包。
然後就玩下好耐無玩過既TURE OR DARE。
有次轉中我既時候, 我揀左DARE。
唔記得邊個叫我大叫「我愛沛珩」。
最後我當然係找數啦。
找數真漢子。
不過叫完過後有點失落都在所難免。
之後玩完又再繼續傾計。
有時都係圍繞住沛珩既事黎講。
原來當時既佢地都唔太中意沛珩。
可能佢地始終唔熟悉沛珩。
而且當時沛珩既性格唔係個個都接受到。
最後我地四個就係海邊傾計傾到個旅行完結。
慢慢搭船返香港。
落船既時候亦見住沛珩同佢既男朋友慢慢離開。
咁樣就完結左失落既旅行日。
亦因為呢一日我同沛珩既關係又疏遠左。
唔通我地既故事咁就完結?