[專員≠Hugo] 我係溫文樂，奉命調查一宗垃圾站藏屍案: 八

“咕…”我個胃係到示威，不知不覺，原來我成日都冇食過野。 
正當我打算同呀燊去食飯，我電話響起。 

“我不會講你知..其實是第幾次…” 
電話上顯示既係一組似熟非熟既數字。 

“喂..?”我帶點猶豫咁接過電話。 

“樂仔，我番黎喇。” 電話筒傳黎一把男性既聲音。好熟好熟，點解我諗唔起既？ 





“你係…?”我放棄，頭已經好痛，唔想再去估。 

“你個死仔包！咁都唔記得我？！ 
話哂都咁多年老友丫！我昏迷左一陣，又行開左一陣姐！” 
對方不停謾罵。 

“OH MY GOD…你係..？！”我難以致信。 

佢係我中學既老死。 
幾年前佢撞車昏迷左，醒番之後又冇啦啦話要去南美洲搵佢女朋友喎。 




我同佢解釋左好多次，佢女朋友係佢昏迷個時已經嫁左人喇，仲黎過探佢幾次。 
佢死都唔信，話佢只係去左環遊世界喎，堅持要去搵女朋友。 
當時我地成班朋友仲以為佢痴左線。 
結果一走就幾年。 

“緊係啦冇心肝！得唔得食飯呀？搵埋Candy？我都好耐冇見佢喇。” 
對方笑住咁講。 

“你幾時番黎架？！緊係冇問題啦。” 
我冇同佢解釋我同Candy已經分開左，而且佢仲過左身。 





“番左黎幾日啦。咁轉頭尖沙咀見。” 

我將呢組號碼儲存好，名字係…Hugo。