我到左陳穎妍既屋企,今次同candy情況唔同, 
佢地住既地方唔係大屋, 
只係一個簡單既居屋單位。 

"梁生,今次黎主要係了解一下你同梁太,即係案中死者陳穎妍既日常生活, 
希望得到既資料可以幫助破案,沉冤得雪。" 
我向陳穎妍老公表明來意。 

"嗯,我有咩可以幫到你?"對方係一個外表斯文,雙眼帶點滄桑既男人。 





"根據警方資料,你地兩位曾經因為嗌交而報過警, 
理由係因為你發現左女方有婚外情。 
我想知道你本身點樣發現呢件事? 
同埋你會唔會有對方既資料?"我在意既都係個位第三者。 

"你懷疑我老婆既死同佢有關? 
當日我出去做野陪客人飲醉左酒,番到屋企就訓左。 
朦朧之間,我發現我老婆半夜起左身, 
仲換哂衫咁準備出去。 
我問左佢一句去邊,佢居然答我唔關我事! 




我火遮眼上黎就同佢嘈喇。 

我見佢著到花枝招展,咪問佢係咪約左男人囉! 
佢居然直認不諱! 
雖然平時我比好多空間同自由佢, 
但佢居然咁樣對我?! 
我個時好嬲,加上酒精影響, 
於是我就推跌佢,跟住佢就報警喇。" 
雖然見到佢講得好平靜,但係我睇得出,佢個對滄桑既眼當中,有恨。 





"你肯定佢真係有婚外情? 
咁樣聽落去其實你地之間會唔會係火遮眼同有誤會?" 

"我酒醒過後,都有諗過自己係咪多心左。 
但係,係往後既日子,我發現佢間唔中都會半夜出去, 
正當我想同佢反面,佢就...就出左事喇。"陳穎妍老公雙眼通紅,唔似講大話。 

"聽你咁講,即係你都唔知對方既身份..."我大失所望。 

如果係我老婆出去勾佬,我一定會搵出對方身份。 
或者係巧合,或者係家家有半難念的經, 
或者係仲在意對方,唔想撕破苦苦經營既關係。 
有時候,男人都係重情既動物。 

"可以咁講,我一直冇見過佢。 




最接近既一次,係我有朋友曾經係街見過我老婆同個男人飲野。 
不過當時係半夜,我朋友又係飲左酒, 
佢只係形容到對方係一個戴鴨舌帽,身型幾大隻的一個年輕男人。"
已有 0 人追稿