《印度 · 尋油 · 台灣妹》: 《二十九》

Heidi …… Wong？會唔會係尋日同花仔嚟醫院嗰個女仔呢？上面寫住來自台灣，應該係佢，但係佢點解會知我 Facebook ID？唔 …… 緊係個死仔比佢㗎啦，算，當識多個朋友。 


接受請求之後，我繼續睇啲朋友有咩最新動態，畫面上方忽然出現一個訊息，好奇一睇，Heidi Wong，一 Click 


Heidi Wong : 「HiHi！知道我是誰嗎？」 


達文西 : 「知道，昨天那位短髮小姐！」 




Heidi Wong : 「只有那麼多？」 


達文西 :「對，我只記得這些！」 


Heidi :「so sad ~ 你記不記得答應我不會傷害 Priscilla？」 




達文西 :「 ………… 」 


Heidi Wong :「說笑吧！我看你真是什麼也不記得，沒關係，我想問你現在想不想知道她怎麼樣？」 


我諗咗一諗，無回答。




Heidi Wong : 「你還沒有痊癒，我也不想打擾你，只是 Priscilla 是我的好妹妹，我見她這樣，我想盡我能力去幫她吧！」 


達文西 :「她現在怎麼樣？」 


Heidi Wong :「從你不記得她開始，她就一直在哭，不食東西，最後在機場暈倒了，救護車將她送往醫院，醫生說她血糖低，現在留院觀察。」 


Heidi Wong :「還在嗎？」 


達文西 :「在！」 




Heidi Wong :「現在的她仍然在哭，剛剛我離開的時候，她哭著問我，你為什麼不記得她？真的是意外不記得嗎？還是不想記得？我真的不知道怎樣安慰她。」 


我睇完之後，唔知點解，個心痛一痛，仲我打咗句 


「對不起」 


Heidi Wong :「那不是你的錯，可能是天意吧！如果你有什麼問題，可以發訊息給我，現在不早了，下次再談，晚安！」


達文西 :「等等！」 




Heidi Wong :「什麼事？」 


達文西 :「妳可不可以給我 Priscilla 的 Facebook ID 和電話號碼？」 


Heidi Wong :「當然可以，Priscilla To，相片是她的樣子，應該不太難找，電話號碼是 02-4560-0202，希望你早點康復，再見！」 


達文西 :「Good Bye！」 


我用張紙抄低之後，無即時搜尋 Priscilla To，因為我覺得好混亂，望住張紙，Priscilla To，慢慢我就瞓著咗。




我身處喺一個黑與白嘅空間入面，不停咁追住前面個女仔， 跑啊跑，仲差少少就追到，突然有架灰色車衝出現，眼見就撞到個女仔，我飛撲出去救佢，嘭一聲被彈飛，我望到一對又大又圓嘅眼，不停流眼淚，流滿整個空間，跟住我 …… 啊！！！ 


嗄嗄嗄 …… 滿頭大汗，又發惡夢，頭先個夢境好真實，嗰對眼 …… 好似 …… Priscilla， 啊！個頭好痛吖，點解會咁㗎！ 


啊啊啊啊啊 …… 


「細佬，細佬！」 


「咩 …… 事呀？家姐」我張開沉重嘅眼睛 




「你做咩有床唔瞓，瞓响地？」家姐一邊講，一邊扶起我 


「係咩 …… ？我記得頭先個頭痛到想爆咁，跟住就唔記得咗發生咩事喇！」我拍一拍個頭，希望自己清醒啲 


「有咩唔舒服就記住睇醫生，係呢，今次印度之旅好唔好玩？」家姐望一望我，就問 


「今次 …… 都 …… 幾好吖！」我諗唔到點答 


「係咪發生咗咩事，嗱，好自己講出嚟喇，如果唔係就 …… 哈哈哈！」家姐奸奸地咁笑住講 


就咁，我將花仔強同 Heidi 講比我知嘅講晒比家姐聽，佢聽完之後，就彈咗一句 


「咁你仲快啲 Book 機票過台灣！」 


「吓？點解啊？」我聽完之後，呆咗 


「"典"解？咁簡單唔駛你家姐我解釋喇嘛！」家姐好得戚咁話


「講啦，Madam」 


「OKOK！首先個女識得你兩三日，如果唔係鍾意同擔心你，駛鬼喊到豬頭咁咩！」 


「跟住 …… ？」 


「第二，比車撞到失憶，可能性只有三個，一係你發緊夢，一係司機食咗屎，而最大可能就係你鍾意人，英雄救美！」 


「…………」我唔出聲，唔通個夢係真嘅？ 


「最後一點，亦係最重要嘅！」家姐懶神秘咁講 


「咩呀？快啲講啦！」我巧緊張咁話 


「聽清楚喇喎，就係 ………… 你咁樣衰都有女仔鍾意，仲要係台灣妹添，你執到喇，仲諗！」家姐笑地肚痛咁款


「…………」聽完家姐好唔認真咁分析之後，又好似幾啱咁，不過 …… 都係諗清楚先，你估過台灣唔駛錢同時間呀！ 


家姐又忽然彈咗句 「擔心錢呀？借住比你先喇！」 


「多謝家姐，不過我都係諗下先啦！」神一様嘅家姐，竟然知我莫財 


「隨便你啦，遲啲比人溝咗，"唔姦我樹"！」跟住佢就番番去自己房。 


我嘅心情由原本好亂，變到依家越嚟起亂 ……