是咁的，照顧過我嘅護士死咗: 四十六、沾沾自喜

林林送我到𨋢口，我就同佢講再見，事關我知自己好容易又會搞到入廠。

我落到樓下作狀要打阿連。

「想死呀你？啱先阿咩嫂呀？」

阿連陰陰嘴喺度笑：「我係話asso呀。」

「兜丫兜丫，睇你點兜。」





依條友同我嘅思路竟然一樣，即刻覺得自己好蠢。

「我叫你慢慢讀asso」

「你覺得咁係兜咗？」

「兜咗啦。唏！麻甩佬成日亂噏架啦，認真你就輸了。」

阿連嘻皮笑臉咁走過嚟扶我。





我地排隊等的士返去。

「頭先點解推開個阿叔呀？」

「吓？唔通由得佢一拳打死你咩？」阿連特登唔望我。

我沾沾自喜，因為知道我嘅舉動，影響到身邊嘅人。

就算只係多一個人企出嚟，都可以令結果完全唔同。





唔係阿連出手的話，我一早釘咗蓋。