德仔好似成日都受唔住我乜都唔知嗰個樣,所以總係不嫌其煩咁為我解釋好多醫院嘅事,亦同我講好多關於林林嘅事。

「話就話護士係以照顧病人為主要工作,但好多時會有一堆護理記錄之類嘅文書工作要搞。嗰啲報告咪叫薯仔文,但依啲濕勁paper work每日都會佔用我地起碼一兩個鐘嘅時間。」

德仔用鐵匙羹攪拌咖啡,由發出嘅叮叮聲中可以感受到佢愈講愈火滾。

正如做老師都唔係淨係教學生同改簿,好多行政上嘅工作都要做埋。

估唔到護士都一樣。