是咁的，照顧過我嘅護士死咗: 八十八、擋箭牌

「喺管理嘅角度上，依啲文件又真係需要嘅。但係咪幫病人轉下身，換條帶都要寫呢？乜都寫一餐浪費哂啲時間。」

叮叮叮叮⋯⋯

望住被攪拌到不停旋轉嘅咖啡，完全感受到德仔嘅不滿。

「近排醫療事故多，又多咗表格要填。你估我唔知咩，上面班撚屌梗係諗住到時出咗咩醫療事故嗰陣就拎啲文件嚟做擋箭牌，總之話自己做足哂程序，病人死都唔關佢地事。」

「咁你又睇得太黑暗⋯⋯可能真係用嚟做管理工作呢？」





德仔飲下飲下，已經無咗半杯咖啡。

「講真，做咗咁耐，邊啲係必要嘅文件邊啲係屎忽痕夾硬要我地填嘅表格，一睇就睇得出啦。」

「唔寫唔得咩？」

「強制架。」

「既然係強制，咁點解林林可以唔寫嘅？」





依點我真心好奇。