「我要畫一陣畫先喎。」

「你畫吖,唔使理我架。我自己同自己玩潛烏龜。」

佢拎咗我副啤牌自己同自己玩。

我無理佢,坐喺枱前就繼續畫埋剩低嘅草圖。十八子真係無嘈我,我反而好奇佢點自己同自己玩潛烏龜。

只見佢將一對拎哂出嚟之後,就牌背向上,洗牌,隨意抽牌。





到有一對,就喺自己手牌打出。之後就將自己嘅手牌反轉,洗牌,扮對面抽牌,不停重複。

「嘿嘿,我知邊隻係烏龜喇。」

服咗佢,咁都好玩。

見住十八子好似個小朋友咁自娛自樂,我都忍唔住笑咗出嚟。

好,集中精神繼續畫。