是咁的，照顧過我嘅護士死咗: 二百四十六、電話

阿連無力咁伏喺枱上，睇嚟瞓著咗，無聊嘅我唯有自己一個飲悶酒。

唔經唔覺就凌晨，我心血來潮又開手機，諗住睇下林林。
哇，竟然「在線上」，真係難得。

震——

哇屌！

我嚇到成個人跳起，手機喺枱面除震動橫移，螢幕上寫住「林林」。





女神打畀我呀！好野！

但點解會凌晨三點幾瞓醒打畀我？

「喂？林林呀？」

「⋯金⋯⋯⋯⋯⋯咗⋯⋯」

酒吧入面好嘈，我聽唔到佢講乜。但隱約聽到佢索鼻水嘅聲。





「你等等我。」

我起身，向酒吧大門行過去。

臨行我都忍唔住望一望後面嗰枱嘈到拆天嘅mk妹，唔知點解少咗一個。