是咁的，照顧過我嘅護士死咗: 二百四十七、自殺死咗

到咗外面後，我見酒吧外大門旁嘅英式木長凳坐咗兩個人。

一個係頭先喺入面嘅mk妹，又染綠髮又紋身嘅，應該係團體入面嗰個大家姐。

大家姐摟住另一個低頭嘅女人，長髮掩蓋佢嘅面容。

大家姐食緊煙，長髮女人嘅手指亦無力咁夾住煙，我聞到就唔舒服，於是行遠咗少少。

「喂，林林，做咩咁夜打畀我嘅？」

「⋯⋯阿金⋯⋯我諗你都有權知道⋯⋯」

不詳嘅預感好似千萬隻曱甴湧上心口。

「德仔佢⋯⋯死咗。」

凌晨三點零六分，我得知照顧過我嘅護士，林德橖，自殺死咗。