是咁的，照顧過我嘅護士死咗: 三百一十三、破埋你依邊

十八子見到林林過嚟，又有少少好似見到陌生人嘅貓咁全身毛管棟起哂。

「喂，你啱啱話乜架？」

「⋯⋯知道喇。」

林林唔知我地講咩，但視線集中喺我同十八子隻手上。

而我就見到佢嘅黑眼圈愈嚟愈深，塊面明顯消瘦咗。





「你好呀李姑娘。」

十八子心不甘情不願咁打招呼：「你好呀柳姑娘。」

林林嘅視線喺我個樣同手之間徘徊。

「你又骨折呀？」

「係呀，同佢食飯唔小心整親。」





林林高低眉咁望住我，睇嚟係諗緊點解食飯會斷手腕骨。

「你依家隻手唔係處喇喎睇嚟。」

「⋯⋯⋯⋯依啲意外情形唔計啦。」

佢伸出手，輕輕掂一掂我左手。

「破埋你依邊，嘿。」之後就行咗去。





我同十八子都呆咗。